കാറപകടത്തിൽ പരിക്കേറ്റ് ചികിത്സയിലായിരുന്ന പുല്ലൂരിലെ എസ്.എഫ്.ഐ പ്രവർത്തകൻ മരണപ്പെട്ടു

പുല്ലൂർ: കാറപകടത്തിൽ പരിക്കേറ്റ് മംഗലാപുരം ആസ്പത്രിൽ ചികിത്സയിലായിരുന്ന പുല്ലൂർ വിഷ്ണുമംഗലത്തെ രാജൻ -സുനിത എന്നിവരുടെ മകൻ അഖിൽ രാജാണ് (19) മരിച്ചത്. ഒരാഴ്ച മുമ്പാണ് കാഞ്ഞങ്ങാട് ജില്ലാസ്പത്രി പരിസരത്ത് അഖിലും കൂട്ടുകാരും സഞ്ചരിച്ച കാർ മറിഞ്ഞ്അപകടമുണ്ടായത്.എസ് എഫ് ഐ പുല്ലൂർ ലോക്കൽ കമ്മിറ്റിയംഗം, ബാലസംഘം വില്ലേജ് കമ്മിറ്റിയംഗം തുടങ്ങിയ നിലകളിൽ പ്രവർത്തിച്ച് വരികയായിരുന്നു പുല്ലൂർ ഐടിഐ വിദ്യാർത്ഥിയായിരുന്ന അഖിൽ.ഏകസഹോദരി: സ്നേഹ.