വെസ്റ്റ്എളേരി കൃഷിഭവൻ ഓഫീസ് പരിസരത്ത് കൃഷി തോട്ടം ഒരുങ്ങി

ഭീമനടി: 'ഞങ്ങളും കൃഷിയിലേക്ക് '  കൃഷിഭവൻ ഓഫീസ്  പരിസരത്ത് തോട്ടം ഒരുക്കുന്നതിന്റെ ഉത്ഘാടനം പഞ്ചായത്ത്‌ പ്രസിഡന്റ് ഗിരിജ മോഹൻ നിർവ്വഹിച്ചു. പഞ്ചായത്ത് വൈസ് പ്രസിഡന്റ് പി. സി. ഇസ്മായിൽ, വികസനസ്റ്റാൻഡിങ് കമ്മിറ്റി ചെയർമാൻ മോളിക്കുട്ടി പോൾ എന്നിവർ തൈകൾ നട്ടുകൊണ്ട് ഈ സംരംഭവുമായി സഹകരിച്ചു. കൃഷി ഓഫീസർ വി. വി. രാജീവൻ, കൃഷി അസിസ്റ്റന്റ് പി. സിന്ധു, ഇ. ഡി. അനുരാജ്, പെസ്റ്റ് സ്കൗട്ട്  സി. പി. വിജേഷ് എന്നിവരും തദവസരത്തിൽ സന്നിഹിതരായിരുന്നു. മുതിർന്ന കർഷകരായ വി. ബാലകൃഷ്ണൻ നായർ, റോണി ജോർജ്എന്നിവർ പങ്കെടുത്തു.