Breaking News

ഷവർമ്മ കഴിച്ച് ദേവനന്ദയുടെ വിയോഗം അച്ഛൻറെ ആത്മഹത്യക്ക് പിന്നാലെ; ഒറ്റക്കായി പ്രസന്ന, വേദനയോടെ നാട്




കാസർഗോഡ്: ഷവർമ കഴിച്ച് വിഷബാധയേറ്റ കാസർഗോഡ് ചെറുവത്തൂരിലെ പ്ലസ് വൺ വിദ്യാർത്ഥിനി ദേവനന്ദ പഠിക്കാൻ മിടുക്കിയായിരുന്നു. പത്താം ക്ലാസ് ഒൻപത് വിഷയങ്ങൾക്ക് എ പ്ലസും ഒരു വിഷയത്തിന് എ ഗ്രേഡും നേടിയാണ് വിജയിച്ചത്. നിലവിൽ കരിവള്ളൂർ എ വി സ്മാരക ഗവ. ഹയർ സെക്കണ്ടറി സ്കൂളിലെ പ്ലസ് വൺ സയൻസ് വിഭാഗം വിദ്യാർത്ഥിനിയാണ്. മൂന്ന് മാസം മുമ്പാണ് ദേവനന്ദയുടെ അച്ഛൻ കരിവള്ളൂർ പെരളം സ്വദേശിയായ ചന്ത്രോത്ത് നാരായണൻ ആത്മഹത്യ ചെയ്തത്. ഏക മകളായിരുന്നു ദേവനന്ദ.

അച്ഛൻ്റെ മരണത്തോടെ മാനസികമായി തകർന്ന ദേവനന്ദയെയും അമ്മ പ്രസന്നയെയും ബന്ധുക്കൾ പിലിക്കോട് മട്ടലായിയിലെ ബന്ധു വീട്ടിലേക്ക് കൂട്ടിക്കൊണ്ട് പോവുകയായിരുന്നു. അവിടെ നിന്ന് ചെറുവത്തൂരിലെ ഒരു സ്വകാര്യ ട്യൂഷൻ സെൻററിൽ ചേർന്ന് പഠിക്കുകയായിരുന്നു. കഴിഞ്ഞ വെള്ളിയാഴ്ചയാണ് ചെറുവത്തൂർ ബസ്സ്റ്റാൻ്റ് പരിസരത്തെ കടയിൽ നിന്ന് സുഹൃത്തുക്കൾക്കൊപ്പം ഷവർമ കഴിച്ചത്. കരിവള്ളൂർ സ്കൂളിലെയും ചെറുവത്തൂർ ട്യൂഷൻ സെൻ്ററിലെയും സഹപാഠികൾക്ക് ദേവനന്ദയുടെ വേർപാട് ഇനിയും ഉൾക്കൊള്ളാനായിട്ടില്ല.

No comments