കടുമേനിയിൽ ഒന്നര ഏക്കറോളം വരുന്ന കശുമാവിൻ തോട്ടം കത്തിനശിച്ചു

കടുമേനി : കടുമേനിയിലെ ഷാബിർ കണ്ണൂരിന്റെ ഒന്നര ഏക്കറോളം വരുന്ന കശുമാവിൻ തോട്ടം കത്തിനശിച്ചു. വെള്ളിയാഴ്ച ഉച്ചയോടെയായിരുന്നു സംഭവം.

50-ഓളം കശുമാവുകൾ പൂർണമായും കത്തിനശിച്ചു. പെരിങ്ങോത്തുനിന്ന്‌ അസി. സ്റ്റേഷൻ ഓഫീസർ സി.പി.ഗോകുൽദാസിന്റെ നേതൃത്വത്തിലുള്ള അഗ്നിരക്ഷാസംഘം സ്ഥലത്ത് എത്തി തീ നിയന്ത്രണവിധേയമാക്കി.

സീനിയർ ഓഫീസർ കെ.സുനിൽകുമാർ, ഓഫീസർമാരായ പി.വി.ബിനോയ്, പി.വി.ഷൈജു, വി.പി.സജിലാൽ, എ.രാമകൃഷ്ണൻ, ഹോംഗാർഡുമാരായ വി.കെ.രാജു, വി.എൻ.രവീന്ദ്രൻ എന്നിവരും ഫയർഫോഴ്സ് സംഘത്തിൽ ഉണ്ടായിരുന്നു.