'രാജപുരം ഇലക്ട്രിസിറ്റി ഓഫീസ് മാറ്റാനുള്ള നീക്കം ചെറുക്കും': സിപിഐ എം രാജപുരം ലോക്കൽ കമ്മറ്റി
രാജപുരം: രാജപുരം ഇലക്ട്രിസിറ്റി ഓഫീസ് മാറ്റാനുള്ള നീക്കം ചെറുക്കുമെന്ന് സിപിഐ എം രാജപുരം ലോക്കല്‍ കമ്മിറ്റി പ്രസ്താവനയില്‍ പറഞ്ഞു. 1982 മുതല്‍ രാജപുരത്ത് പ്രവര്‍ത്തിച്ചു വരുന്ന ഓഫീസ് മറ്റൊരു സ്ഥലത്തേക്ക് മാറ്റി കൊണ്ടു പോകാനുള്ള ചിലരുടെ ശ്രമം എന്ത് വിലകൊടുത്തും തടയും. രണ്ടു വര്‍ഷം മുമ്പ് രാജപുരത്ത് ഇലക്ട്രിസിറ്റി ഓഫീസിന് വേണ്ടി ടൗണിന് സമീപത്തായി തന്നെ 15 സെന്റ് സ്ഥലം കെ ടി മാത്യു സൗജന്യമായി നല്‍കിട്ടുണ്ട്. ഈ സ്ഥലം കെഎസ്ഇബിക്ക് എഴുതി നല്‍കിട്ടും ഉണ്ട്. എന്നാല്‍ ചില ഉദ്യോഗസ്ഥരുടെ ഭാഗത്ത് നിന്നും നിലവിള്ള ഓഫീസ് മറ്റൊരു സ്ഥലത്തേറ്റ് മാറ്റി കൊണ്ടു പോകാനുള്ള ആലോചനയാണ് നടക്കുന്നത്. നിലവില്‍ വാടക കെട്ടിടത്തിലാണ് ഓഫീസ് പ്രവര്‍ത്തിക്കുന്നത്. ഈ ഓഫീസ് വിഭജിച്ച് അഞ്ച് വര്‍ഷം മുമ്പ് ബളാംതോട് സെക്ഷന്‍ ഓഫീസ് ആരംഭിച്ചിരുന്നു. ഇതോടെ പകുതി കണക്ഷന്‍ ബളാംതോടിലേക്ക് മാറ്റിയിരുന്നു. ഇപ്പോള്‍ ബളാംതോട് സെക്ഷനിലേക്ക് കുറച്ചു ഭാഗം കൂടി ലയിപ്പിച്ചു രാജപുരത്തേ ഓഫീസ് മാറ്റാനുള്ള ശ്രമമാണ് നടക്കുന്നത്. അരനൂറ്റാണ്ട് മുമ്പ് പ്രവര്‍ത്തനം ആരംഭിച്ച ഓഫീസ് മാറ്റി സ്ഥാപിക്കുന്നതിന് പകരം കാലിച്ചാനടുക്കം, പരപ്പ്, തായന്നൂര്‍, കോടോം, ഒടയംചാല്‍ എന്നി പ്രദേശങ്ങള്‍ ഉള്‍പ്പെടുത്തി പുതിയ സെക്ഷന്‍ ഓഫീസ് ആരംഭിക്കുന്നതാണ് ഉചിതം എന്നിരിക്കെ ഓഫീസ് തന്നെ മാറ്റി സ്ഥാപിക്കാനുള്ള നീക്കം എന്ത് വില കൊടുത്തും ചെറുത്തു തോല്‍പ്പിക്കും. രാജപുരത്ത് മറ്റ് എല്ലാ സര്‍ക്കാര്‍ ഓഫീസും പ്രവര്‍ത്തിക്കുന്നുണ്ട് അതോടെപ്പം കെഎസ്ഇബി ഓഫീസും കൂടി ജനങ്ങള്‍ക്ക് ഏറെ സൗകര്യപ്രദമാണന്നു ലോക്കല്‍ കമ്മിറ്റി പ്രസ്താവനയില്‍ പറഞ്ഞു. യോഗത്തില്‍ ലോക്കല്‍ കമ്മിറ്റിയംഗം കെ എ പ്രഭാകരന്‍ അധ്യക്ഷനായി. ഏരിയ കമ്മിറ്റിയംഗം പി ജി മോഹനന്‍ സംസാരിച്ചു. ലോക്കല്‍ സെക്രട്ടറി എ കെ രാജേന്ദ്രന്‍ സ്വാഗതം പറഞ്ഞു.
No comments