വണ്ണാത്തിക്കാനം ഓർമ്മ വായനശാലക്ക് പുസ്തകങ്ങൾ നൽകി രാജപുരം സെന്റ് പയസ് ടെൻത് കോളേജ് എൻസിസി വിദ്യാർത്ഥികൾ
രാജപുരം: പതിവു തെറ്റാതെ പുസ്തകങ്ങളുമായി അവര്‍ എത്തി. നാട്ടിന്‍ പുറങ്ങളിലെ പൊതുജനങ്ങള്‍ക്കായി. വായനാ ദിനാചരണത്തിന്റെ ഭാഗമായി രാജപുരം സെന്റ് പയസ് ടെന്‍ത് കോളേജിലെ എന്‍സിസി വിദ്യാര്‍ത്ഥികളാണ് സമീപത്തെ വായനശാല സന്ദര്‍ശിച്ചത് പുസ്തക സമര്‍പ്പണം നടത്തിയത്. എല്ലാ വര്‍ഷവും കോളേജിലെ എന്‍സിസി വിദ്യാര്‍ത്ഥികള്‍ പുതിയ പുതിയ പുസ്തകങ്ങളുമായി വയനാദിനത്തില്‍ വണ്ണാത്തിക്കാനം ഓര്‍മ്മ വായനശാല ആന്റ് ഗ്രന്ഥാലയം സന്ദര്‍ശിച്ച് വിദ്യാര്‍ത്ഥികളുടെ വക ഗ്രന്ഥശാലക്ക് പുസ്തകങ്ങള്‍ സമ്മാനിക്കാറുണ്ട്. ഇത്തവണയും പതിവ് തെറ്റാതെ വിദ്യാര്‍ത്ഥികളും അധ്യാപകരും നൂറ് കണക്കിന് പുസ്തകങ്ങളുമായി വായനശാലയില്‍ എത്തി. മറ്റ് ആവശ്യങ്ങള്‍ക്കായി ചിലവഴിക്കുന്ന പണം വായനാദിനത്തില്‍ വിദ്യാര്‍ത്ഥികള്‍ പുസ്തകം വാങ്ങാന്‍ മാറ്റി വെച്ചാണ് ഇത്രയും അധികം പുസ്തകങ്ങള്‍ നല്‍കുന്നത്. വിദ്യാര്‍ത്ഥികളോടൊപ്പം നാട്ടിന്‍ പുറങ്ങളിലെ മുതിര്‍ന്നവരും വായന തുടരണമെന്ന ലക്ഷ്യത്തോടെയാണ് വായനശാലക്ക് പുസ്തകങ്ങള്‍ സമ്മാനിക്കുന്ന പദ്ധതി വിദ്യാര്‍ത്ഥികള്‍ ആരംഭിച്ചത്. പുസ്തകത്തിന്റെ വിതരണോദ്ഘാടനം കോളേജ് പ്രിന്‍സിപ്പല്‍ ഡോ. എം ഡി ദേവസ്യ നിര്‍വ്വഹിച്ചു. പി കെ മുഹമ്മദ് അധ്യക്ഷനായി. എന്‍സിസി ക്യാപ്റ്റന്‍ ഡോ.തോമസ് സ്‌കറിയ, രാഹുല്‍ ദിനേശ് എന്നിവര്‍ സംസാരിച്ചു. വായനശാല സെക്രട്ടറി എ കെ രാജേന്ദ്രന്‍ സ്വാഗതം പറഞ്ഞു.
No comments