വെസ്റ്റ്എളേരി പാലക്കുന്നിലെ കെ.കുഞ്ഞമ്പു നമ്പ്യാരുടെ 25-ാം ചരമവാർഷികം വിവിധ പരിപാടികളോടെ ആചരിച്ചു

ഭീമനടി: മലയോര മേഖലയിൽ കമ്മ്യൂണിസ്റ്റ് കർഷക പ്രസ്ഥാനം കെട്ടിപ്പടുക്കാൻ നേതൃത്വം നൽകിയ പാലക്കുന്നിലെ കെ കുഞ്ഞമ്പു നമ്പ്യാരുടെ 25 ചരമവാർഷികം വിവിധ പരിപാടികളോടെ നടന്നു.രാവിലെ പാലക്കുന്നിലെ കുഞ്ഞമ്പു നമ്പ്യർ സ്മൃതി മണ്ഡപത്തിൽ ലോക്കൽ സെക്രട്ടറി കെ വി സുകുമാരൻ പതാക ഉയർത്തി.തുടർന്ന് പുഷ്പാർച്ചന നടത്തി. വൈകിട്ട് നടന്ന അനുസ്മരണ സമ്മേളനം സിപിഐ എം ജില്ലാ കമ്മിറ്റി അംഗം പി ആർ ചാക്കോ ഉദ്ഘാടനം ചെയ്തു. കെ വി സുകുമാരൻ അധ്യക്ഷനായി. റോപ്പ് പുള്ള് അപ്പിൽ ലോക റെക്കോഡ് നേടിയ സെബാസ്റ്റ്യൻ ജോസഫ്, എസ്എസ്എൽസി, പ്ലസ്ടു പരീക്ഷയിൽ ഉന്നത വിജയം നേടിയ വിദ്യാർഥികൾ എന്നിവരെ ഏരിയ സെക്രട്ടറി ടി കെ സുകുമാരൻ ഉപഹാരം നൽകി അനുമോദിച്ചു. ഇ ടി ജോസ്, കെ ബാബു എന്നിവർ സംസാരിച്ചു.പി ഗോവിന്ദൻ സ്വാഗതവും ശാലിനി ബാബു നന്ദിയും പറഞ്ഞു