കാഞ്ഞങ്ങാട്ട് ഇലക്ട്രോണിക്സ് കടയിൽ നിന്നും ഒരു ലക്ഷം രൂപ വില വരുന്ന ലാപ്പ്ടോപ്പുമായി യുവതി കടന്നു

കാഞ്ഞങ്ങാട്: ഇലക്ട്രോണിക്സ് കടയിൽ നിന്നും ലാപ്ടോപ്പ് കവർന്നു. അജാനൂർ അതിഞ്ഞാലിലെ അജ്മൽ ബിസ്മി ഹോം അപ്ലയൻസിൽ നിന്നാണ് ലാപ്ടോപ്പ് കവർന്നത്. കഴിഞ്ഞ ദിവസമാണ് സംഭവം. വിൽപ്പനയ്ക്ക് വച്ച ലെനോവ കമ്പനിയുടെ ലാപ്ടോപ്പാണ് കവർന്നത്. 99290 രൂപ വില വരും.പർദ ധരിച്ച സ്ത്രീയാണ് കവർന്നെതെന്ന് പരാതിയിലുണ്ട്. ബ്രാഞ്ച് മാനേജർ പള്ളിയത്ത് ഹൗസിലെ സി. അരുൺകുമാറിന്റെ പരാതിയിൽ ഹോസ്ദുർഗ് പൊലിസ് കേസെടുത്തു.