കോടോം-ബേളൂർ ഗ്രാമ പഞ്ചായത്തിലെ ആദിവാസി യുവതീ യുവാക്കൾക്ക് പരിശീലനം നൽകി

തായന്നൂർ : നബാർഡിന്റെ പട്ടിക വർഗ്ഗ വികസന ഫണ്ടിൽ ഉൾപ്പെടുത്തി കോടോം-ബേളൂർ ഗ്രാമ പഞ്ചായത്തിലെ 9, 14, 15, 16 വാർഡുകളിൽ നടപ്പാക്കുന്ന പദ്ധതിയുടെ ഭാഗമായി പദ്ധതി പ്രദേശത്തെ യുവതീ യുവാക്കൾക്ക് ഏകദിന പരിശീലന പരിപാടി സംഘടിപ്പിച്ചു.

കോളിയാർ കമ്മ്യൂണിറ്റി ഹാളിൽ വച്ചു നടന്ന പരിശീലന പരിപാടി പഞ്ചായത്തംഗം ജഗന്നാഥിന്റെ അദ്ധ്യക്ഷതയിൽ കോടോം-ബേളൂർ പഞ്ചായത്ത് പ്രസിഡണ്ട് പി.ശ്രീജ ഉത്ഘാടനം ചെയ്തു.

വിവിധ വിഷയങ്ങളിൽ നബാർഡ് മുൻ ചീഫ് ജനറൽ മാനേജർ ഡോ: സെൽവരാജ്, സി ആർ ഡി ഡയറക്ടർ ഡോ: ശശികുമാർ, CRD പ്രോഗ്രാം കോർഡിനേറ്റർ ഇ .സി ഷാജി തുടങ്ങിയവർ ക്ലാസ്സ് നയിച്ചു.

പരിപാടിയിൽ സതീന്ദ്രൻ ചീരോൽ, പി.കെ രാജീവ്, ദാമോദരൻ മൊയാലം, പി.അജിത, ഗ്രീഷ്മ മനു, ലീല കോളിയാർ, പ്രമോദ് തൊട്ടിലായി തുടങ്ങിയവർ ആശംസയർപ്പിച്ച് സംസാരിച്ചു.

  പ്രോഗ്രാം മാനേജർ കെ.എ ജോസഫ് സ്വാഗതവും, പിടിഡിസി പ്രസിഡണ്ട് രമേശൻ മലയാറ്റുകര നന്ദിയും പറഞ്ഞു.