അധ്യാപകരുടെയും ജീവനക്കാരുടെയും വടക്കൻ മേഖല വാഹന പ്രചരണ ജാഥയ്ക്ക് പരപ്പയിൽ തുടക്കമായി
പരപ്പ: കേന്ദ്ര ഗവൺമെന്റിന്റെ തെറ്റായ ഭരണ നടപടികൾക്കും , അധ്യാപകരുടെയും ജീവനക്കാരുടെയും തൊഴിൽ സംരക്ഷണത്തിനും വേണ്ടിയുള്ള നിരവധി മുദ്രാവാക്യങ്ങൾ ഉയർത്തിക്കൊണ്ട് എഫ് എസ് ഇ ടി ഒ , കോൺഫെഡറേഷൻ ഓഫ് സെൻട്രൽ ഗവൺമെൻറ് എംപ്ലോയീസ് ആൻഡ് വർക്കേഴ്സിന്റെയും നേതൃത്വത്തിൽ നവംബർ 3 ന് സംഘടിപ്പിക്കുന്ന ദില്ലി മാർച്ചിന് മുന്നോടിയായി വടക്കൻ മേഖല വാഹന പ്രചരണജാഥക്ക് പരപ്പയിൽ തുടക്കമായി. കേരള കർഷക തൊഴിലാളി യൂണിയൻ സംസ്ഥാന ജനറൽ സെക്രട്ടറി എൻ ചന്ദ്രൻ ഉദ്ഘാടനം ചെയ്തു. സ്വാഗതസംഘം ചെയർമാൻ സാബു എബ്രഹാം അധ്യക്ഷത വഹിച്ചു. കെ എസ് ടി എ സംസ്ഥാന വൈസ് പ്രസിഡൻറ് എ കെ ബീന , കെ എം വി ചന്ദ്രൻ , വി കെ രാജു , കെ ഹരിദാസ് , ശരത് പി.വിഎന്നിവർ സംസാരിച്ചു. കോൺഫെഡറേഷൻ ഓഫ് സെൻട്രൽ ഗവൺമെൻറ് എംപ്ലോയീസ് ആൻഡ് വർക്കേഴ്സ് സംസ്ഥാന ജനറൽ സെക്രട്ടറി വി ശ്രീകുമാർ ജാഥാ ക്യാപ്റ്റനും കെ ജി ഒ എ സംസ്ഥാന പ്രസിഡന്റ് എം എ നാസർ വൈസ് ക്യാപ്റ്റനും കേരള എൻജിഒ യൂണിയൻ സംസ്ഥാന വൈസ് പ്രസിഡൻറ് ടി പി ഉഷ മാനേജരുമായ ജാഥ കാസർഗോഡ് , കണ്ണൂർ , കോഴിക്കോട് ജില്ലകളിൽ വ്യത്യസ്ത സ്വീകരണ കേന്ദ്രങ്ങളിൽ പര്യടനം നടത്തികൊണ്ട് ഒക്ടോബർ 12 ന് കോഴിക്കോട് ജില്ലയിൽ സമാപിക്കും.
ജാഥയുടെ നാളത്തെ പര്യടനം
9 മണി - ഉപ്പള
10:30 - കാസർഗോഡ് വിദ്യാ നഗർ
12:30 - കാഞ്ഞങ്ങാട് സിവിൽ സ്റ്റേഷൻ
3 മണി - ചെറുവത്തൂർ
No comments