'ഞായറാഴ്ച സ്കൂൾ കായിക മേള വേണ്ട'; എതിർപ്പുമായി തലശ്ശേരി അതിരൂപത

തിരുവനന്തപുരം: ഞായറാഴ്ച സ്കൂൾ കായിക മേള നടത്തുന്നതിനോട് എതിർപ്പുമായി തലശ്ശേരി അതിരൂപത. കണ്ണൂർ ജില്ലാ അത്ലറ്റിക് മീറ്റ് മാറ്റിവെക്കണമെന്ന ആവശ്യവുമായിട്ടാണ് അതിരൂപത പാസ്റ്ററൽ കൗൺസിൽ രംഗത്തെത്തിയിരിക്കുന്നത്. തീരുമാനം ക്രൈസ്തവർക്ക് ബുദ്ധിമുട്ട് ഉണ്ടാക്കുമെന്ന് തലശ്ശേരി അതിരൂപത വികാരി ജനറാൾ ആന്‍റണി മുതുകുന്നേൽ അഭിപ്രായപ്പെട്ടു. കണ്ണൂർ ജില്ലാ അത്ലറ്റിക് മീറ്റ് 5,6,8 തീയതികളിൽ തലശ്ശേരിയിൽ വെച്ചാണ് സംഘടിപ്പിക്കുന്നത്. ഏഴിന് അധ്യാപകർക്ക് പരിശീലനം ഉള്ളതുകൊണ്ടാണ് എട്ടാം തിയതിയിലേക്ക് മാറ്റിയത്.