കോടോം ബേളൂർ മൂന്നാം വാർഡിൽ ജെഎൽ ജി അംഗങ്ങളുടെ തണ്ണിമത്തൻ കൃഷിക്ക് തുടക്കം

ഒടയഞ്ചാൽ : കോടോം ബേളൂർ കുടുംബശ്രീ സി ഡി എസിന്റെ നേതൃത്വത്തിൽ മൂന്നാം വാർഡ് ക്ലായി വയലിൽ ജെഎൽ ജി അംഗങ്ങൾക്ക് തണ്ണിമത്തൻ കൃഷിയുടെ വിത്ത് വിതരണവും, വിത്ത് നടീൽ ഉത്ഘാടനവും നടത്തി. സി ഡി എസ് ചെയർപേഴ്സൺ ബിന്ദുവിന്റെ അധ്യക്ഷദ്ധയിൽ വാർഡ്‌മെമ്പർ കുഞ്ഞികൃഷ്ണൻ തണ്ണിമത്തൻ കൃഷി ഉൽഘടനം ചെയ്യ്തു. ബാലസഭ കുട്ടികളുടെ തണ്ണിമത്തൻ കൃഷിയുടെ വിത്തിടൽ ഉത്ഘാടനവും നടത്തി. സി.എൽ.സി സവിത, സി ഡി എസ് മെമ്പർ സന്ധ്യ, മാസ്റ്റർ ഫാർമർ സിന്ധു, എഡിഎസ് രോഹിണി എന്നിവർ ആശംസകൾ അറിയിച്ചു സംസാരിച്ചു, എഡിഎസ് സെക്രട്ടറി വിദ്യ സ്വാഗതം പറഞ്ഞു, ജെഎൽ ജി അംഗം കമലക്ഷി നന്ദിയും പറഞ്ഞു.