മലയോര മേഖലയിലെ കലാ സാംസ്കാരിക രംഗത്തെ നിറസാന്നിധ്യമായിരുന്ന വരക്കാട്ടെ കെ വി കുഞ്ഞിക്കേളുവിന്റെ ഒൻപതാം ചരമവാർഷികദിനം കാനാകുഞ്ഞികൃഷ്ണൻ സ്മാരക ഗ്രന്ഥാലയത്തിന്റെയും, പി എ സിയുടെയും ആഭിമുഖ്യത്തിൽ ആചരിച്ചു

ഭീമനടി  :  വരക്കാട് കാനാകുഞ്ഞികൃഷ്ണൻ സ്മാരക ഗ്രന്ഥാലയത്തിന്റെയും, പി എ സി വരക്കാടിന്റെയും സ്ഥാപകനേതാവും, മലയോര മേഖലയിലെ കലാ സാംസ്കാരിക രംഗത്തെ നിറസാന്നിധ്യവുമായിരുന്ന വരക്കാട്ടെ കെ വി കുഞ്ഞിക്കേളുവിന്റെ ഒൻപതാം ചരമവാർഷികദിനം കാനാകുഞ്ഞികൃഷ്ണൻ സ്മാരക ഗ്രന്ഥാലയത്തിന്റെയും, പി എ സിയുടെയും ആഭിമുഖ്യത്തിൽ ആചരിച്ചു. വരക്കാട് നടന്ന അനുസ്മരണ സമ്മേളനം സിപിഐ എം ജില്ലാ സെക്രട്ടേറിയറ്റ് അംഗം സാബു അബ്രഹാം ഉദ്ഘാടനം ചെയ്തു. എം തമ്പാൻ അധ്യക്ഷനായി. പഞ്ചായത്ത് അംഗം ബിന്ദു മുരളീധരൻ,  സ്കറിയ അബ്രഹാം, കയനി ജനാർദനൻ, എം എൻ രാജൻ, കെ ജാനകി എന്നിവർ സംസാരിച്ചു. പി കെ പ്രഭാകരൻ സ്വാഗതവും അനില വിനോദ് നന്ദിയും പറഞ്ഞു. സർഗോത്സവത്തിൽ വിജയികളായവരെ അനുമോദിച്ചു. വിവിധ കലാപരിപാടികളും നടന്നു.