കാസർഗോഡ് ബസ് ഓടിച്ചു കൊണ്ടിരിക്കെ ഡ്രൈവർക്ക് ഹൃദയാഘാതം; ബസ് സൈഡിലേക്ക് മാറ്റുന്നതിനിടെ മരിച്ചു

കാസർകോട്: ബസ് ഓടിച്ചു കൊണ്ടിരിക്കെ ഹൃദയാഘാതം ഉണ്ടായ ഡ്രൈവർ മരിച്ചു. കാസർകോട് - ഇച്ചിലങ്കോട് റൂട്ടിൽ സർവീസ് നടത്തുന്ന ജിസ്തിയ ബസിലെ താൽക്കാലിക ഡ്രൈവർ ചേവാർ കുണ്ടങ്കരയടുക്കത്തെ അബ്ദുൽ റഹിമാൻ (40)ആണ് മരിച്ചത്. ഉച്ചയോടെ കുണ്ടംകരയടുക്കയിൽ ബസ് എത്തിയപ്പോൾ ഹൃദയാഘാതമുണ്ടായി. തുടർന്ന് ബസ് സൈഡിലേക്ക് മാറ്റുന്നതിനിടയിൽ മരിക്കുകയായിരുന്നു. തുടർന്ന് ക്ലീനർ എത്തിയാണ് ബസ് നിർത്തിയത്.