ചെങ്കളയിലെ കാണാതായ യുവാവ് ബംഗളൂരുവിൽ തൂങ്ങി മരിച്ച നിലയിൽ
ചെങ്കളയിലെ കാണാതായ യുവാവിനെ ബംഗളൂരുവില്‍ തൂങ്ങി മരിച്ച നിലയില്‍ കണ്ടെത്തി. ചെങ്കള സന്തോഷ് നഗര്‍ ടൗണിലെ പള്ളിക്ക് സമീപത്തെ അബ്ഷര്‍ അബ്ബാസിന്റെ (24) മൃതദേഹമാണ് ബംഗളൂരു ബൊമ്മനഹള്ളിയിലെ ലോഡ്ജില്‍ തൂങ്ങി മരിച്ച നിലയില്‍ കണ്ടെത്തിയത്. വിദ്യാനഗര്‍-ഉളിയത്തടുക്ക റോഡില്‍ വ്യവസായ കേന്ദ്രത്തിന് എതിര്‍വശത്ത് സുഹൃത്തിനൊപ്പം രാത്രി കാലത്ത് തട്ടുകട നടത്തി വരികയായിരുന്ന അബ്ഷര്‍ അബ്ബാസിനെ മെയ് 31നാണ് കാണാതായത്. രാവിലെ വീട്ടില്‍ നിന്ന് പോയ അബ്ഷര്‍ തിരിച്ചെത്താത്തതിനെത്തുടര്‍ന്ന് വിദ്യാനഗര്‍ പൊലീസില്‍ പരാതി നല്‍കുകയായിരുന്നു. വെള്ളിയാഴ്ചയാണ് അബ്ഷര്‍ ബൊമ്മനഹള്ളിയിലെ ലോഡ്ജില്‍ മുറിയെടുത്തത്. മുഹമ്മദ് കുഞ്ഞി-സാഹിദ ദമ്പതികളുടെ മകനാണ്. സഹോദരങ്ങള്‍: ഹസില, അഫില.
No comments