നീന്തൽ പഠിക്കുന്നതിനിടെ കുളത്തിൽ മുങ്ങിപ്പോയി; നാലുവയസുകാരന് ദാരുണാന്ത്യം
മലപ്പുറം: നീന്തല് പഠിക്കുന്നതിനിടെ കുളത്തില് മുങ്ങി ഗുരുതരവാസ്ഥയിലായ നാലു വയസുകാരന് മരിച്ചു. മലപ്പുറം കോട്ടക്കല് സ്വദേശി ധ്യാന് നാരായണനാണ് മരിച്ചത്. കഴിഞ്ഞ വെള്ളിയാഴ്ച വീടിനടുത്തുള്ള കുളത്തില് വെച്ചാണ് അപകടമുണ്ടായത്. രക്ഷിതാക്കള് നീന്തല് പഠിപ്പിക്കുന്നതിനിടെ കുട്ടി മുങ്ങിപ്പോവുകയായിരുന്നു. ബോധരഹിതനായ കുട്ടിയെ ഉടന് പുറത്തെടുത്ത് കോട്ടക്കലിലെ സ്വകാര്യ ആശുപത്രിയില് പ്രവേശിപ്പിച്ചു. ആശുപത്രിയിലെ തീവ്ര പരിചരണ വിഭാഗത്തില് ചികിത്സയിലായിരുന്ന കുട്ടി ഇന്ന് ഉച്ചയോടെയാണ് മരിച്ചത്.
No comments