വനം മന്ത്രി വാക്ക് പാലിച്ചു: കടന്നൽ കുത്തേറ്റ് മരിച്ച തയ്യേനിയിലെ സണ്ണി വേളൂറിൻ്റെ കുടുബത്തിന് ആദ്യഘട്ട തുക കൈമാറി

ചിറ്റാരിക്കാൽ : തൊഴിലുറപ്പ് ജോലിക്കിടെ കടന്നൽ കുത്തേറ്റ് മരണപ്പെട്ട  തയ്യേനി സ്വദേശി വേളൂർ സണ്ണിയുടെ കുടുബത്തിന് കാസർഗോഡ് ഡി .എഫ് .ഒ കെ അഷറഫ്   മരണപ്പെട്ട സണ്ണിയുടെ ഭാര്യ ലിസ്സിക്ക് സർക്കാറിൻ്റെ ധനസഹായത്തിൻ്റെ ആദ്യഗഡു ഒരു ലക്ഷം രൂപയുടെ ചെക്ക് കൈമാറി.  കഴിഞ്ഞ വ്യാഴായ്ഴച്ച തലശേരി പി ഡബ്ലു ഡി ഗസ്റ്റ് ഹൗസിൽ വെച്ചായിരുന്നു തലശേരി അതിരൂപത കത്തോലിക്ക കോൺഗ്രസ് ഭാരവാഹികൾ വനംമന്ത്രി എ കെ ശശീധരനുമായി ചർച്ച നടത്തുകയും നിവേദനം നൽകുകയും ചെയ്തത്തിൻ്റെ അടിസ്ഥാനത്തിലാണ് ദ്രുതഗതിയിൽ ഈ തുക കൈമാറാൻ വനംവകുപ്പ് മുൻപോട്ട് വന്നത്.  ചടങ്ങിൽ കത്തോലിക്ക കോൺഗ്രസ് തലശേരി അതിരൂപത പ്രസിഡന്റ് ഫിലിപ്പ് വെളിയത്ത് , തയ്യേനി ഇടവക വികാരി ഫാ. തോമസ് മേനപ്പാട്ടുപടിക്കൽ, ഈസ്റ്റ് എളേരി ഗ്രാമ പഞ്ചായത്ത് പ്രസിഡണ്ട് അഡ്വ ജോസഫ് മുത്തോലിൽ, പുളിങ്ങോം ഇടവക വികാരി ഫാ. അഗസ്റ്റ്യൻ പാണ്ട്യാമ്മാക്കൽ, കത്തോലിക്ക കോൺഗ്രസ് ചെറുപുഴ ഫൊറോന ഡയറക്ടർ ഫാ. തോമസ് പൂവൻപ്പുഴ, കത്തോലിക്ക കോൺഗ്രസ് തലശേരി അതിരൂപത സെക്രട്ടറിമാരായ ഷിജിത്ത് തോമസ് കുഴുവേലിൽ, ജോസഫ് കെ എ കൊച്ചുകുന്നുത്ത്പറമ്പിൽ, ജെയിംസ് ഇമ്മാനുവേൽ, സുരേഷ് ജോർജ് കാഞ്ഞിരത്തിങ്കൽ, കത്തോലിക്കാ കോൺഗ്രസ്  തോമാപുരം മേഖല പ്രസിണ്ടൻ്റ് സാജു പടിഞ്ഞാറേട്ട്, ആൻ്റോ തെരുവംകുന്നേൽ, കത്തോലിക്ക കോൺഗ്രസ് തോമാപുരം മേഖല മുൻ ട്രഷറും , ഈസ്റ്റ് എളേരി ഗ്രാമ പഞ്ചായത്ത് മെബറുമായ പ്രശാന്ത് പാറേക്കുടിയിൽ , പഞ്ചായത്ത് വൈസ് പ്രസിഡന്റ് ഫിലോമിന ജോണി, പഞ്ചായത്ത് മെബർ  മോഹനൻ , ജോസ് കുത്തിയതോട്ടിൽ, കത്തോലിക്ക കോൺഗ്രസ് തോമാപുരം മേഖല വൈസ് പ്രസിഡന്റ് മോളി മഞ്ഞക്കുന്നേൽ തുടങ്ങിയവർ പങ്കെടുത്തു.