17കാരിയെ പീഡിപ്പിച്ച കേസിലെ പ്രതി അറസ്റ്റിൽ കിനാനൂർ കരിമ്പുവളപ്പിലെ കെ.വി. ധനേഷിനെ (40)യാണ് അറസ്റ്റ് ചെയ്തത്

നീലേശ്വരം:പതിനേഴുകാരിയെ ലൈംഗിക പീഡനത്തിനിരയാക്കിയ കേസിൽ ഒളിവിൽ കഴിയുകയായിരുന്ന പ്രതിയെ നീലേശ്വരം പോലിസ് അറസ്റ്റ് ചെയ്തു. കിനാനൂർ കരിമ്പുവളപ്പിലെ കെ.വി. ധനേഷിനെ (40)യാണ് അറസ്റ്റ് ചെയ്തത്. ഭാര്യയും മക്കളുമുള്ള പ്രതി ഒരു വർഷം മുമ്പു പെൺകുട്ടിയുമായി അടുപ്പംസ്ഥാപിച്ച ശേഷം ഭീഷണിപ്പെടുത്തി പീഡിപ്പിച്ചുവെന്നാണ് കേസ്. സംഭവത്തിനുശേഷം ധനേഷ് ഒളിവിൽ കഴിയുകയായിരുന്നു. വയനാട്ടിൽ നിന്നും കാറിൽ നീലേശ്വരം ഭാഗത്തേക്ക് വരികയായിരുന്ന ധനേഷിനെ ഇന്ന് രാവിലെ കാലിക്കടവിൽ വെച്ചാണ് പിടികൂടിയത്. വൈദ്യ പരിശോധനയ്ക്ക് ശേഷം അറസ്റ്റ് രേഖപ്പെടുത്തിയ പ്രതിയെ പോസ്റ്റുകൾ ഒന്നാം ക്ലാസ് ജുഡീഷ്യൽ മജിസ്ട്രെട് കോടതിയിൽ ഹാജരാക്കി.