മാഹിയിൽ നിന്ന് മദ്യം കടത്തുകയായിരുന്ന പെരിങ്ങോം സ്വദേശി പിടിയിൽ ; 234 കുപ്പി മദ്യം പിടിച്ചു

കണ്ണൂർ: മാഹിയിൽ നിന്ന് കടത്തിക്കൊണ്ടു വരികയായിരുന്ന വൻ മദ്യ ശേഖരവുമായി പയ്യന്നൂർ സ്വദേശി പിടിയിലായി. തിരുവങ്ങാട് ടോൾ പ്ലാസയിലെ രണ്ടാം ലൈനിന് സമീപം വെച്ച് എക്സൈസ് സംഘമാണ് യുവാവിനെ പിടികൂടിയത്. 117 ലിറ്റർ മദ്യം കണ്ടെടുത്തിട്ടുണ്ട്.

 പയ്യന്നൂർ പെരിങ്ങോം സ്വദേശി നവീൻ പി ആണ് പിടിയിലായത്. അര ലിറ്റർ വീതമുള്ള 234 കുപ്പി മദ്യവുമായാണ് നവീൻ മാഹിയിൽ നിന്ന് വരികയായിരുന്നു. തലശ്ശേരി എക്സൈസ് സംഘമാണ് അറസ്റ്റ് ചെയ്തത്. റേഞ്ച് ഇൻസ്‌പെക്ടർ എം. കെ. മോഹൻ ദാസ്, പ്രിവന്റീവ് ഓഫീസർ, ബൈജേഷ് കെ, സുമേഷ് എം.കെ, വിമൺ സിവിൽ എക്സൈസ് ഓഫീസർമാരായ പ്രസന്ന എം. കെ . ഐശ്വര്യ പി പി, സിവിൽ എക്സൈസ് ഓഫീസർ ഡ്രൈവർ ബിനീഷ്. കെ എന്നിവരാണ് പരിശോധനാ സംഘത്തിൽ ഉണ്ടായിരുന്നത്.