ബാനം ഗവ.ഹൈസ്കൂളിൽ അസംബ്ലി ഹാൾ ഉദ്ഘാടനം ചെയ്തു
ബാനം: കാഞ്ഞങ്ങാട് എംഎൽഎ ഇ.ചന്ദ്രശേഖരന്റെ ആസ്തി വികസന നിധിയിൽ നിന്നും അനുവദിച്ച 35 ലക്ഷം രൂപ ഉപയോഗിച്ച് ബാനം ഗവ.ഹൈസ്കൂളിൽ നിർമ്മിച്ച അസംബ്ലി ഹാൾ ഉദ്ഘാടനം ചെയ്തു. ഇ.ചന്ദ്രശേഖരൻ എം.എൽ.എ ഉദ്ഘാടന കർമ്മം നിർവഹിച്ചു. ജില്ലാ പഞ്ചായത്ത് പ്രസിഡന്റ് പി.ബേബി ബാലകൃഷ്ണൻ അധ്യക്ഷത വഹിച്ചു. മികച്ച വനിതയ്ക്കുള്ള അന്താരാഷ്ട്ര പുരസ്കാരം നേടിയ ബേബി ബാലകൃഷ്ണനെ എം.എൽ.എ ആദരിച്ചു. സംസ്ഥാനതല വടംവലി ചാമ്പ്യൻഷിപ്പിൽ വിജയിച്ച കുട്ടികളെ പരപ്പ ബ്ലോക്ക് പഞ്ചായത്ത് പ്രസിഡന്റ് എം.ലക്ഷ്മി അനുമോദിച്ചു. യുദ്ധവിരുദ്ധ പതിപ്പ് കോടോം ബേളൂർ ഗ്രാമപഞ്ചായത്ത് പ്രസിഡന്റ് പി.ശ്രീജയും, ലിറ്റിൽ കൈറ്റ്സ് ജേഴ്സി ജില്ലാ പഞ്ചായത്ത് സ്ഥിരം സമിതി അധ്യക്ഷ എസ്.എൻ സരിതയും പ്രകാശനം ചെയ്തു. പരപ്പ ബ്ലോക്ക് പഞ്ചായത്ത് വൈസ് പ്രസിഡന്റ് കെ.ഭൂപേഷ്, കോടോം ബേളൂർ പഞ്ചായത്ത് സ്ഥിരംസമിതി അധ്യക്ഷൻ പി.ഗോപാലകൃഷ്ണൻ, ഡി.ഡി.ഇ പ്രതിനിധി വി.ശ്രീജിത്ത്, പി.മനോജ് കുമാർ, ബാനം കൃഷ്ണൻ, വി.എൻ മിനി, കെ.എൻ ഭാസ്കരൻ, പാച്ചേനി കൃഷ്ണൻ, വി.ഓമന, പി.കെ ബാലചന്ദ്രൻ, അനൂപ് പെരിയൽ എന്നിവർ സംസാരിച്ചു. പ്രധാനധ്യാപിക സി.കോമളവല്ലി സ്വാഗതവും സ്റ്റാഫ് സെക്രട്ടറി കെ.ഭാഗ്യേഷ് നന്ദിയും പറഞ്ഞു.
No comments