സോഷ്യല് മീഡിയയിലൂടെ പരിചയപ്പെട്ട ശേഷം മോശമായി പെരുമാറിയെന്ന് പെണ്കുട്ടി; പോക്സോ കേസില് ‘വി ജെ മച്ചാന്’ അറസ്റ്റില്
പോക്സോ കേസില് യൂട്യൂബര് വി ജെ മച്ചാന് എന്ന ഗോവിന്ദ് വി ജെ അറസ്റ്റില്. 16 വയസുകാരിയുടെ പരാതിയിലാണ് പൊലീസ് ഇയാളെ അറസ്റ്റ് ചെയ്തത്. സോഷ്യല് മീഡിയയിലൂടെ പരിചയപ്പെട്ട ശേഷം തന്നെ ലൈംഗികമായി ദുരുപയോഗം ചെയ്യാന് ശ്രമിച്ചെന്ന് ചൂണ്ടിക്കാട്ടിയാണ് പെണ്കുട്ടി പരാതി നല്കിയത്.
ഇന്ന് പുലര്ച്ചെ കളമശ്ശേരി പൊലീസാണ് കൊച്ചിയിലെ ഫ്ളാറ്റില് നിന്ന് ഇയാളെ അറസ്റ്റ് ചെയ്തത്. 16 വയസുകാരിയായ പെണ്കുട്ടി കളമശ്ശേരി പൊലീസ് സ്റ്റേഷനില് നേരിട്ടെത്തി നല്കിയ പരാതിയുടെ അടിസ്ഥാനത്തിലാണ് അറസ്റ്റ്. പൊലീസ് ഗോവിന്ദിനെ വിശദമായി ചോദ്യം ചെയ്ത് വരികയാണ്. ഇയാളുടെ മൊബൈല് ഫോണുകളും മറ്റ് ഇലക്ട്രോണിക് വസ്തുക്കളും പൊലീസ് വിശദമായി പരിശോധിക്കുന്നുമുണ്ട്.
ഗോവിന്ദ് ആലപ്പുഴ മാന്നാര് സ്വദേശിയാണ്. സോഷ്യല് മീഡിയ പ്ലാറ്റ്ഫോമുകളില് രണ്ടര ലക്ഷത്തിലേറെ ഫോളോവേഴ്സാണ് ഇയാള്ക്കുള്ളത്.
No comments