കാരാട്ട് ചാമുണ്ടേശ്വരീ ഗുളികൻ ദേവസ്ഥാത്ത് പുന:പ്രതിഷ്ഠാ കളിയാട്ട മഹോത്സവം ഫെബ്രുവരി 5,6,7 തീയതികളിൽ
പരപ്പ : ശ്രീ കാരാട്ട് ചാമുണ്ഡേശ്വരീ ഗുളികൻ ദേവസ്ഥാനത്ത് ഫെബ്രുവരി 5,6,7 തീയ്യതികളിലായി നടക്കുന്ന പുന:പ്രതിഷ്ഠാ കളിയാട്ട മഹോത്സവിന് ആശംസകൾ നേർന്ന് കാരാട്ട് ബദർ മസ്ജിദും പരപ്പ വിമലഗിരിചർച്ച് കാരാട്ട് വാർഡും കനകപ്പള്ളി ഡി പോറസ് ചർച്ച് കാരാട്ട് വാർഡും ഫ്ലക്സ് ബോർഡുകളുയർത്തി, ഫെബ്രുവരി 5 ന് തോടൻചാൽശ്രീ ചാമുണ്ഡേശ്വരീ ഗുളികൻ കാവിൽ നിന്നും പുറപ്പെടുന്ന കലവറ നിറയ്ക്കൽ ഘോഷയാത്രയ്ക്ക് കാരാട്ട് ബദർ മസ്ജിദിന്റെ നേതൃത്വത്തിൽ മസ്ജിദ് പരിസരത്ത് സ്വീകരണമൊരുക്കും. കളിയാട്ട ദിവസങ്ങളിൽ ദേവസ്ഥാനത്ത് എത്തുന്നവർക്ക് കുടിവെള്ളം നൽകിയും ആഘോഷ കമ്മിറ്റി യോടൊപ്പം കളിയാട്ടത്തിന്റെ വിജയത്തിനായി തോൾ ചേർന്ന് പ്രവർത്തിക്കുകയും ചെയ്യുന്ന ഇതര മത വിഭാഗങ്ങൾ ഇവിടുത്തെ കൺകുളിർക്കുന്ന കാഴ്ച്ചയാണ്. ഫെബ്രുവരി 5 ന് വൈകുന്നേരം 7 മണിക്കും 7.45 നും ഇടയിലുള്ള ശുഭ മുഹൂർത്തത്തിൽ പുന:പ്രതിഷ്ഠാ കർമ്മം നടക്കും,9 മണി മുതൽ കുട്ടികളുടെ വിവിധ കലാപരിപാടികളും തുടർന്ന് അനീഷ് കാരാട്ട് കോർഡിനേറ്ററായ ഇത് ഐറ്റം വേറെ എന്ന സ്റ്റേജ് ഷോയും അരങ്ങേറും. ഫെബ്രുവരി 6 ന് വൈകുനേരം 6 മണിയോടെ കളിയാട്ടത്തിന് ആരംഭം കുറിച്ചു കൊണ്ടുള്ള തുടങ്ങൽ ചടങ്ങിന് ശേഷം ദേവസ്ഥാന മാതൃ സമിതിയുടെ തിരുവാതിര ദേവസ്ഥാന തിരുസന്നിധിയിൽ അരങ്ങേറും,വീരൻ തെയ്യത്തിന്റെ പുറപ്പാടിനു ശേഷം തെയ്യക്കോലങ്ങളുടെ തോറ്റം പുറപ്പാട്, പുലർച്ചെ 4.30 മണിക്ക് കരിഞ്ചാമുണ്ഡിയമ്മ അരങ്ങിലെത്തും,ഉച്ചക്ക് 12 മണിക്ക് വിഷ്ണുമൂർത്തിയുടെ പുറപ്പാട് 1 മണി മുതൽ 3 മണിവരെ അന്നദാനം 3 മണിക്ക് ശ്രീ കാരാട്ട് ചാമുണ്ഡേശ്വരിയുടെയും ഗുളികൻതെയ്യത്തിന്റെയും തിരുപുറപ്പാട് വൈകുനേരം 6 മണിയോടെ നവീകരണ പുന:പ്രതിഷ്ഠാ കളിയാട്ട ആഘോഷ പരിപാടികൾക്ക് സമാപനം കുറിക്കും.
No comments