ഭക്തമനസ്സുകൾ ഒഴുകിയെത്തി... അടുക്കളക്കുന്ന് ഭഗവതി ക്ഷേത്രത്തിലെ പൊങ്കാല മഹോത്സവം ഇന്ന് സമാപിക്കും

വെള്ളരിക്കുണ്ട് : പതിവ് തെറ്റിച്ചില്ല. കുംഭ മാസത്തിൽ   അടുക്കളക്കുന്ന് ഭഗ വതി ക്ഷേത്രത്തിൽ  പൊങ്കാല നിവേദ്യം നടന്നു. 

ഭക്തമനസുകൾ ഒഴുകിയെത്തിയ ക്ഷേത്ര നടയിൽ  തന്ത്രി കക്കാട്ടില്ലത്ത്‌ നാരായണ പട്ടേരി  ക്ഷേത്ര ശ്രീ കോവിലിനു മുന്നിൽ അടുപ്പ് കൂട്ടി അടുക്കള കുന്നിലമ്മയ്ക് പൊങ്കാല നിവേദ്യ സമർപ്പണം നടത്തി..ബ്രഹ്മ ശ്രീ മാങ്കുളം ഗോവിന്ദൻ നമ്പൂതിരി പൊങ്കാല മാഹാത്മ്യം വിവരിച്ചു

ഞായറാഴ്ച രാവിലെ ഒൻപതരയോടെ ആരംഭിച്ച പൊങ്കാല നിവേദ്യ ചടങ്ങുകൾ ഉച്ച പൂജയോടെ സമാപിച്ചു. വ്രതശുദ്ധിയിൽ വിവിധ സ്ഥലങ്ങളിൽ നിന്നായി എത്തിയ അമ്മമാർ ഉൾപ്പടെ നൂറ് കണക്കിന്  പേരാണ് പൊങ്കാല അർപ്പിച്ചത്..