കുമ്പള-മംഗളൂരു ദേശീയ പാതയിൽ ഷിറിയ, മുട്ടത്തിനു സമീപത്തു ഓട്ടോയും കാറും കൂട്ടിയിടിച്ച് എട്ടുപേർക്ക് പരിക്ക്. നാലുപേരുടെ നില ഗുരുതരം

കാസർകോട്: കുമ്പള-മംഗളൂരു ദേശീയ പാതയിൽ ഷിറിയ, മുട്ടത്തിനു സമീപത്തു ഓട്ടോയും കാറും കൂട്ടിയിടിച്ച് എട്ടുപേർക്ക് പരിക്ക്. നാലുപേരുടെ നില ഗുരുതരം. അപകടത്തിൽ ഓട്ടോ പൂർണ്ണമായും തകർന്നു. പരിക്കേറ്റ ഓട്ടോയാത്രക്കാരായ ഷിറിയയിലെ ഷുഹൈബ (30), മക്കളായ ജന്ന (5), അയാൻ (3) എന്നിവരെയും ഷുഹൈബ് (21) എന്നയാളെയും മംഗളൂരുവിലെ ആശുപ്രതിയിലേക്ക് കൊണ്ടു പോയി. കാറിലുണ്ടായിരുന്ന ചെറുവത്തൂർ സ്വദേശികളായ വിലാസിനി (59), ഉണ്ണികൃഷ്ണൻ (63), സുരേഷ് ബാബു (43), സ്മൃതി(9) എന്നിവരെ കുമ്പളയിലെ സഹകരണ ആശുപത്രിയിൽ പ്രവേശിപ്പിച്ചു. വ്യാഴാഴ്ച ഉച്ചയ്ക്ക് 11.30 മണിയോടെയാണ് അപകടം.