മാല മോഷ്ടാക്കൾ ചന്തേര പോലീസിന്റെ പിടിയിലായി

നീലേശ്വരം : മാല മോഷ്ടാക്കൾ ചന്തേര പോലീസിന്റെ പിടിയിലായി .റോഡരികിലൂടെ നടന്നു പോകുകയായിരുന്ന സ്ത്രിയുടെ മാല പൊട്ടിച്ച് കടന്നു കളഞ്ഞ പ്രതികളാണ് പിടിയിലായത് .

പിലിക്കോട് ഏച്ചിക്കൊവ്വൽ എന്ന സ്ഥലത്തു റോഡരികിലൂടെ നടന്നു പോകുകയായിരുന്ന സ്ത്രിയുടെ കഴുത്തിൽ ഉണ്ടായിരുന്ന  ഒന്നേ മുക്കാൽ പവൻ തൂക്കം വരുന്ന സ്വർണ മാല ബൈക്കിൽ വന്ന് 2  പേർ പൊട്ടിച്ച് കടന്നു കളയുകയായിരുന്നു .തൊട്ടടുത്ത ദിവസം ചന്തേര പോലീസ് സ്റ്റേഷനിൽ പരാതി ലഭിക്കുകയും തുടർന്ന് ചന്തേര പോലീസ് 300  ഓളം സി സി ടി വി ദൃശ്യങ്ങൾ പിന്തുടർന്ന് കോയമ്പത്തൂരിൽ എത്തുകയും അവിടുന്നു ലഭിച്ച 50  ഓളം സി സി ടി വി ദൃശ്യങ്ങൾ പരിശോധിച്ചതിൽ പ്രതികളെ തിരിച്ചറിയുകയും പ്രതികളെ കോഴിക്കോട് വെച്ച്  പിടികൂടുകയുമായിരുന്നു . മലപ്പുറം കൊണ്ടോട്ടി സ്വദേശി ജാഫർ എ ടി (38 ),കണ്ണൂർ കതിരൂർ പൊക്കായി മുക്ക് സ്വദേശി മുദസിർ ടി (35 ) എന്നിവരെയാണ് ചന്തേര പോലീസ് അതി സമർത്ഥമായി പിടികൂടിയത് .മോഷണം പോയ സ്വർണം കോഴിക്കോട് കമ്മത്ത് ലൈനിലെ ജ്വല്ലറിയിൽ നിന്നും കണ്ടെത്തിയിട്ടുണ്ട് .

കാഞ്ഞങ്ങാട് ഡി വൈ എസ് പി ബാബു പെരിങ്ങേത്തിന്റെ മേൽനോട്ടത്തിൽ ചന്തേര ഇൻസ്‌പെക്ടർ പ്രശാന്ത് എം , സബ് ഇൻസ്‌പെക്ടർ സതീഷ് കുമാർ എൻ കെ , സതീഷ് വർമ്മ , SCPO  രഞ്ജിത്ത് കുമാർ , രഞ്ജിത്ത് എം ,സജിത്ത്  CPO   സുധീഷ് , ഹരീഷ് എന്നിവരടങ്ങുന്ന സംഘമാണ് പ്രതികളെ പിടികൂടിയത്.