സിപിഎം ബ്രാഞ്ച് സെക്രട്ടറിയെ വീടിന്റെ സൺഷേഡിലെ ഹുക്കിൽ തൂങ്ങി മരിച്ച നിലയിൽ കണ്ടെത്തി

കാസർകോട്: സിപിഎം ബ്രാഞ്ച് സെക്രട്ടറിയെ വീടിന്റെ സൺഷേഡിലെ ഹുക്കിൽ തൂങ്ങി മരിച്ച നിലയിൽ കണ്ടെത്തി.
കാടകം, ശാന്തി നഗറിലെ സി.എച്ച് ശശിയാണ് (50) മരിച്ചത്. ഇന്നലെ വൈകുന്നേരമാണ് തൂങ്ങിയ നിലയിൽ മൃതദേഹം കാണപ്പെട്ടത്. വീട്ടിൽ ഒറ്റയ്ക്കായിരുന്നു ശശി താമസിച്ചിരുന്നത്. ആദൂർ പോലീസ് കേസെടുത്തു. ചെന്നാങ്കോട് രാമണ്ണ ഗ്രന്ഥാലയം പ്രസിഡണ്ടായും പ്രവർത്തിച്ചിട്ടുണ്ട്. അവിവാഹിതനാണ്. പരേതനായ സി.എച്ച് രാമന്റെയും ലക്ഷ്മിയുടെയും മകനാണ്. സഹോദരങ്ങൾ: സി.എച്ച് ഗോ പാലൻ (വ്യാപാരി, ശാന്തിനഗർ), കൃഷ്ണൻ (കോളിയടുക്കം), ചന്ദ്രൻ, ശാന്ത, സുനന്ദ.