വിൽപനക്കായി കൊണ്ടുപോകുന്ന ഒരു കിലോ കഞ്ചാവുമായി മൂന്ന് അസാം സ്വദേശികൾ എക്സൈസിന്റെ പിടിയിലായി

തളിപ്പറമ്പ്: വിൽപനക്കായി കൊണ്ടുപോകുന്ന ഒരു കിലോ കഞ്ചാവുമായി മൂന്ന് അസാം സ്വദേശികൾ എക്സൈസിന്റെ പിടിയിലായി. സമീറുദ്ധീൻ(31), ജാഹിറുൽ ഇസ്ലാം (19), അസ്സറുൽ ഇസ്ലാം(19) എന്നിവരെയാണ് തളിപ്പറമ്പ് എക്സൈസ് റേഞ്ച് ഓഫീസിലെ എക്സൈസ് ഇൻസ്പെക്ടർ എബി തോമസും സംഘവും അറസ്റ്റ് ചെയ്തത്. തളിപ്പറമ്പ്-പൂവ്വം ഭാഗങ്ങളിൽ നടത്തിയ വാഹന പരിശോധനക്കിടെ ഒരു ബൈക്കിൽ മൂവരും എത്തുകയാണ്. സംശയം തോന്നിയ സംഘത്തെ എക്സൈസ് പരിശോധിച്ചപ്പോഴാണ്
1.100 കിലോ കഞ്ചാവ് ഇവരിൽ നിന്ന് കണ്ടെടുത്തത്. വിൽപന നടത്താൻ കൊണ്ടുപോകുന്ന കഞ്ചാവാണ് പിടിച്ചെടുത്തതെന്ന് അധികൃതർ പറഞ്ഞു. അസി.എക്സൈസ് ഇൻസ്പെക്ടർ അഷറഫ് മലപ്പട്ടം, ഗ്രേഡ് പ്രിവന്റീവ് ഓഫീസർ മാരായ കെ.വി.നികേഷ്, ഉല്ലാസ് ജോസ്, ഇബ്രാഹിം ഖലിൽ, സിവിൽ എക്സൈസ് ഓഫീസർ പി.ആർ.വിനീത്, വനിത സിവിൽ എക്സൈസ് ഓഫീസർമാരായ എം.വി.സുനിത, എൻ.സുജിത, സിവിൽ എക്സൈസ് ഓഫീസർ ഡ്രൈവർ എം.പ്രകാശൻ എന്നിവരും സംഘത്തിൽ ഉണ്ടായിരുന്നു.