കാസർകോട് ഉപ്പളയിൽ ആംബുലൻസ് അപകടത്തിൽപ്പെട്ടു, വാരം സ്വദേശിനിയായ വീട്ടമ്മ മരിച്ചു

കണ്ണൂർ : കക്കാട്ടെ സാന്ത്വനം ആംബുലൻസ് ഉപ്പളയിൽ അപകടത്തിൽപ്പെട്ടു, വാരം സ്വദേശിനിയായ വീട്ടമ്മ മരിച്ചു.

ഉപ്പളയിൽ ആംബുലൻസും കാറും കൂട്ടിയിടിച്ച്  വാരം ചതുരക്കിണർ സ്വദേശിനിയായ  ഷാഹിന (48) മരിച്ചു. കണ്ണൂരിൽ നിന്ന് ഒമ്പത് വയസ്സുള്ള രോഗിയായ മകൾ റിയ ഫാത്തിമയെയും മറ്റ് ബന്ധുക്കളെയും കൊണ്ട് മംഗളൂരിലേക്ക് പോവുകയായിരുന്ന ആംബുലൻസാണ് അപകടത്തിൽപ്പെട്ടത്. ഗുരുതരമായി പരിക്കേറ്റ ഷാഹിനയെ മംഗളൂരിലെ ദേർ ലക്കട്ടെ യേനപോയ മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല. 

അപകടത്തിൽ ഷാഹിനയുടെ മകൾ റിയ ഫാത്തിമ (9), സഹോദരി ഷാജിന (45), ഷാജിനയുടെ അനന്തരവൻ അസീവ് (22), ആംബുലൻസ് ഡ്രൈവർ പള്ളിപ്രത്തെ  അക്രം എന്നിവർക്ക് പരിക്കേറ്റു. ഇവരെ ആശുപത്രിയിൽ പ്രവേശിപ്പിച്ചിരിക്കുകയാണ്. 

മറ്റൊരു അനന്തരവനായ അനസ് (22)  നിസാര പരിക്കുകളോടെ രക്ഷപ്പെട്ടു കക്കാട്  സാന്ത്വനം ചാരിറ്റബിൾ ട്രസ്റ്റിന്റെ ആംബുലൻസാണ് അപകടത്തിൽപ്പെട്ടത്.