പള്ളിപ്പാറ സ്വദേശിനിയായ യുവതിയെ കിടപ്പുമുറിയിലെ ഫാനിൽ തൂങ്ങി മരിച്ച നിലയിൽ കണ്ടെത്തി

കാലിച്ചാമരം: യുവതിയെ കിടപ്പുമുറിയിലെ ഫാനിൽ തൂങ്ങി മരിച്ച നിലയിൽ കണ്ടെത്തി. ചീമേനി, പള്ളിപ്പാറയിലെ കെ. പ്രമോദിന്റെ ഭാര്യ സജിത (39)യാണ് മരിച്ചത്. വെള്ളിയാഴ്ച രാത്രി പത്തരമണിയോടെയാണ് സജിതയെ ഫാനിൽ സാരിയിൽ തൂങ്ങിയ നിലയിൽ കണ്ടെത്തിയത്. ഉടൻ താഴെയിറക്കി പരിയാരം മെഡിക്കൽ കോളേജ് ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. പോസ്റ്റുമോർട്ടത്തിനു ശേഷം പള്ളിപ്പാറയിലേക്ക് എത്തിക്കുന്ന മൃതദേഹം ഇഎംഎസ് മന്ദിരത്തിൽ പൊതുദർശനത്തിനു വച്ച ശേഷം കള്ളപ്പാത്തി പൊതുശ്മശാനത്തിൽ സംസ്കരിക്കും. മകൾ ശിവദാലക്ഷ്മി പത്താംക്ലാസ് പരീക്ഷയിൽ മുഴുവൻ വിഷയങ്ങളിലും ഫുൾ എ പ്ലസോടെയാണ് പാസായത്. എട്ടാം ക്ലാസ് വിദ്യാർത്ഥിയായ ശിഖൽദേവ് മകനാണ്. അമ്മ: കമല. സഹോദരങ്ങൾ: സജിനി, സജേഷ്.