കാസർകോട് ജില്ലാ പഞ്ചായത്ത് അസാപ് കേരളയുമായി ചേർന്ന് സംഘടിപ്പിക്കുന്ന നൈപുണ്യ പരിശീലന പരിപാടികൾക്ക് അപേക്ഷ ക്ഷണിച്ചു.

കാസർകോട് ജില്ലാ പഞ്ചായത്ത് ഉന്നത വിദ്യാഭ്യാസ വകുപ്പിന് കീഴിലെ അസാപ് കേരളയുമായി സഹകരിച്ച് നൈപുണ്യ പരിശീലനം നൽകാൻ പദ്ധതിയായി. ഡിജിറ്റൽ മാർക്കറ്റിങ്, ജി.എസ്.ടി യൂസിങ് ടാലി, ഇലക്ട്രിക് വെഹിക്കിൾ സർവീസ് ടെക്നീഷ്യൻ, പവർ ഇലക്ട്രോണിക്സ് സർവീസ് ടെക്നീഷ്യൻ എന്നീ കോഴ്‌സുകളിലേക്കാണ് അപേക്ഷ ക്ഷണിച്ചിരിക്കുന്നത്. 

അഭ്യസ്തവിദ്യരായ 100   വനിതകൾക്കാണ് ജി.എസ്.ടി യൂസിംഗ് ടാലി കോഴ്‌സിൽ പരിശീലനം നൽകുക. പൊതുവിഭാഗങ്ങൾക്കായി ഡിജിറ്റൽ മാർക്കറ്റിംഗ് കോഴ്സിൽ 40 സീറ്റും, ഇ. വി സർവീസ് ടെക്നീഷ്യൻ, പവർ ഇലക്ട്രോണിക്സ് കോഴ്സുകളിൽ 30 വീതം സീറ്റുകളും ഉണ്ടായിരിക്കും. 

പദ്ധതി പ്രകാരം കാസർകോട് ജില്ലാ പഞ്ചായത്തിന് കീഴിലെ ഗ്രാമപഞ്ചായത്ത് പരിധികളിൽ താമസിക്കുന്നവർക്ക് അപേക്ഷിക്കാം. പ്ലസ് ടൂ യോഗ്യതയുള്ള, അക്കൗണ്ടിംഗ് മേഖലയെ കുറിച്ച് പ്രാഥമിക ധരണയുള്ള വനിതകൾക്ക് ജി.എസ്.ടി യൂസിംഗ് ടാലി കോഴ്സിലേക്ക് അപേക്ഷിക്കാം. ഡിജിറ്റൽ മാർക്കറ്റിംഗ് കോഴ്സിൽ പ്ലസ് ടൂ വിനോടൊപ്പം അടിസ്ഥാന കംപ്യുട്ടർ പരിജ്ഞാനം ഉള്ളവർക്ക് അപേക്ഷിക്കാം. ഈ രണ്ട് കോഴ്‌സിലും കാസർകോട് വിദ്യാനഗർ ഉള്ള അസാപിൻ്റെ കമ്മ്യൂണിറ്റി സ്‌കിൽ പാർക്കിൽ ആയിരിക്കും പരിശീലനം

ഇലക്ട്രിക് വെഹിക്കിൾ സർവീസ് ടെക്നീഷ്യൻ, പവർ ഇലക്ട്രോണിക്സ് സർവീസ് ടെക്നീഷ്യൻ എന്നീ കോഴ്‌സുകളിൽ പ്ലസ് ടൂ യോഗ്യതയുള്ളവർക്ക് അപേക്ഷിക്കാം. അസാപിൻ്റെ മലപ്പുറം ജില്ലയിലെ തവനൂർ കമ്മ്യൂണിറ്റി സ്കിൽ പാർക്കിലും, അസാപിൻ്റെ തൃശൂർ ജില്ലയിലെ കുന്നംകുളം സ്‌കിൽ പാർക്കിലും ആയിരിക്കും പ്രായോഗിക പരിശീലനം. നിരവധി തൊഴിലവസരങ്ങൾ ഉള്ള ഈ മേഖലയിൽ കോഴ്സ് വിജയകരമായി പൂർത്തിയാക്കുന്നവർക്ക്  100% പ്ലേസ്മെൻ്റ് സഹായം ഉണ്ടായിരിക്കും. 

ഉന്നത വിദ്യാഭ്യാസ വകുപ്പിന് കീഴിലെ അസാപ് കേരളയാണ്  പരീശീലനം നൽകുന്നത്. ജൂലൈ- ആഗസ്ത്  മാസങ്ങളിൽ ആയിരിക്കും പരിശീലനം. കോഴ്‌സിനൊപ്പം, ഉദ്യോഗാർഥികളെ ഇൻ്റർവ്യൂ സജ്ജമാക്കുന്ന പ്ലേസ്മെൻ്റ് റെഡിനസ് പ്രോഗ്രാമിൽ കൂടി പരിശീലനം നൽകും. കൂടുതൽ വിവരങ്ങൾക്ക്  +91 85938 92913, 9495999780 എന്നീ നമ്പറുകളിൽ ബന്ധപ്പെടുക.. 

bit.ly/asap-gst എന്ന ലിങ്ക് വഴിയും അപേക്ഷിക്കാം..