കാറിൽ കടത്തിക്കൊണ്ടു പോകുകയായിരുന്ന കാൽ ലക്ഷത്തിലേറെ വരുന്ന നിരോധിത പുകയില ഉൽപ്പന്നങ്ങളുമായി രണ്ടുപേർ നീലേശ്വരത്ത് പിടിയിൽ

നീലേശ്വരം: കാറിൽ കടത്തിക്കൊണ്ടു പോകുകയായിരുന്ന കാൽ ലക്ഷത്തിലേറെ വരുന്ന നിരോധിത പുകയില ഉൽപ്പന്നങ്ങളുമായി രണ്ടുപേരെ ജില്ലാ പോലീസ് മേധാവിയുടെ സ്പെഷൽ സ്ക്വാഡും നീലേശ്വരം പോലീസും ചേർന്ന് പിടികൂടി രണ്ടുപേരെ കസ്റ്റഡിയിലെടുത്തു. തൃക്കരിപ്പൂർ മീലിയാട്ടെ അബ്ദുൽ കരീമിന്റെ മകൻ സി കെ . മുഹമ്മദ് സഫീസ് (26) കാസർകോട് മൊഗ്രാൽ പുത്തൂർ മജൽ ഹൗസിൽ മജീദിന്റെ മകൻ മുഹമ്മദ് ഫർഫാൻ (20) എന്നിവരെയാണ് കസ്റ്റഡിയിൽ എടുത്തത്. ഇവർ പുകയില ഉത്പന്നങ്ങൾ കളത്താൻ ഉപയോഗിച്ച കെ.എൽ 10 ഏ വി 2122 നമ്പർ കാറും കസ്റ്റഡിയിലെടുത്തു. ശനിയാഴ്ച്ച രാത്രി ദേശീയപാതയിൽ കരുവാച്ചേരി ശ്രീദേവി സർവീസ് സ്റ്റേഷൻ മുന്നിൽ വച്ചാണ് കാറിൽ കടത്തുകയായിരുന്ന നിരോധിത പുകയില ഉല്പന്നങ്ങളുമായി രണ്ടുപേരെയും പോലീസ് പിടികൂടിയത് . രഹസ്യ വിവരം ലഭിച്ചതിന്റെ അടിസ്ഥാനത്തിൽ പുകയില ഉൽപ്പന്നങ്ങളുമായി പോവുകയായിരുന്നു കറിനെ പോലീസ് ജീപ്പ് കുറുകെയിട്ടാണ് പിടികൂടിയത്. നീലേശ്വരം എസ് ഐ എം വി ശ്രീകുമാർ, എസ് ഐ ജഗൻ മയൻ പോലീസ് ഓഫീസർമാരായ ദിലീഷ് പള്ളിക്കൈ, സുജിത്ത്, രാജീവൻ സുനീഷ്, കുഞ്ഞികൃഷ്ണൻ ജില്ലാ പോലീസ് മേധാവിയുടെ സ്പെഷൽ സ്ക്വാഡിലെ പെ നിജൻകുമാർ, അനീഷ് മാധവൻ, ഭക്ത ഷെവൽ, രജീഷ് കാട്ടാമ്പള്ളി എന്നിവരാണ് പുകയില ഉൽപ്പന്നങ്ങൾ പിടികൂടിയ സംഘത്തിൽ ഉണ്ടായിരുന്നത്.