കുണ്ടൂർ ദേശത്തിനൊരു കളിക്കളം: ഫണ്ട് ശേഖരിക്കാൻ പാഴ് വസ്തുക്കൾ ശേഖരിച്ച് ക്ലബ്ബ് പ്രവർത്തകർ

കരിന്തളം: തലമുറകൾക്ക് കളിച്ചു വളരാൻ കുണ്ടൂർ ദേശത്ത് നാടിന്റെ കൂട്ടായ്മയിൽ നിർമ്മിക്കുന്ന കളിക്കളത്തിന് ഫണ്ട് ശേഖരിക്കാൻ പാഴ് വസ്തുക്കൾ ശേഖരിച്ച്  വിൽപ്പന നടത്താൻ ഒരുങ്ങുകയാണ് കുണ്ടൂരിലെ യുവാക്കൾ . കുണ്ടൂർ കെ ജി എഫ് ക്ലബ്ബ്  പ്രവർത്തകരാണ് വീടുകളിൽ നിന്ന് പാഴ്വസ്തുക്കൾ ശേഖരിച്ച്  വില്പന നടത്തുന്നത്. സ്വകാര്യ വ്യക്തിയുടെ 30 സെന്റ് സ്ഥലം വിലക്ക് വാങ്ങിയാണ് കുണ്ടൂരിൽ 15 ലക്ഷം രൂപ ചെലവിൽ നാട്ടുകാരുടെ കൂട്ടായ്മയിൽ കളിക്കളം ഒരുക്കുന്നത്. വെറുമൊരു കളി സ്ഥലം എന്നതിനപ്പുറത്തേക്ക് നാടിന് ഒത്തുചേരാൻ ഒരിടം എന്ന സ്വപ്നം യാഥാർത്ഥ്യമാക്കാൻ കൂടിയാണ് കുണ്ടൂർ ദേശം ഒരുങ്ങുന്നത്. 2025 ഡിസംബർ ഓടുകൂടി കളിസ്ഥലം യാഥാർത്ഥ്യമാക്കാനുള്ള ശ്രമത്തിലാണ് നാട്ടുകാർ. പാഴ്  വസ്തു ശേഖരണത്തിന് അരുൺരാജ് കെ വി, രതീഷ് യു, സന്ദീപ് കെ വി, വി.ജി അനീഷ്, എൻ വിനോദ്, രജിത് എൻ. കെ എന്നിവർ നേതൃത്വം നൽകി.വരും ദിവസങ്ങളിലും പാഴ് വസ്തു ശേഖരണം തുടരും.കളിക്കളത്തിന് ഫണ്ട് കണ്ടെത്തുന്നതിനായി കഴിഞ്ഞ മാസം ക്ലബ്ബിൻറെ നേതൃത്വത്തിൽ വനിതാ പ്രവർത്തകർ നടത്തിയ ചക്ക ചിപ്പ്സ് വിൽപ്പന ഏറെ ശ്രദ്ധേയമായിരുന്നു