കോടോത്ത് ഡോ. അംബേദ്കർ ഗവ. ഹയർ സെക്കൻഡറി സ്കൂളിന് സ്നേഹോപഹാരമായി 2000-01 വർഷത്തെ സ്കൂളിലെ എസ് എസ് എൽ സി ബാച്ച്'

ഒടയംചാൽ: കോടോത്ത് ഡോ അംബേദ്കർ ഗവ ഹയർ സെക്കൻഡറി സ്കൂളിലെ 2000-01 വർഷത്തെ എസ് എസ് എൽ സി ബാച്ച് നീണ്ട 25 വർഷങ്ങൾക്ക് ശേഷം, കോടോത്ത് സ്കൂളിൽ 'വർഷങ്ങൾക്ക് ശേഷം ' എന്ന പേരിൽ ഒത്തു ചേർന്നു. സ്കൂളിന് സ്നേഹോപഹാരമായി  ഒന്നര ലക്ഷം രൂപ വിലമതിക്കുന്ന പബ്ലിക് അഡ്രസ്സ് സിസ്റ്റവും ഓഡിയോ സിസ്റ്റവും നൽകി.

ചടങ്ങ് കോടോം ബേളൂർ പഞ്ചായത്ത് പ്രസിഡൻ്റ് ശ്രീമതി ശ്രീജ പി. ഉദ്ഘാടനം ചെയ്തു. സ്കൂൾ പി ടി എ പ്രസിഡൻ്റ് ശ്രീമതി സൗമ്യ വേണുഗോപാൽ അധ്യക്ഷത വഹിച്ചു. സ്കൂളിനുള്ള ഉപഹാരം പിറ്റിഎ പ്രസിഡൻ്റ് ഏറ്റുവാങ്ങി. പ്രിൻസിപ്പാൾ പി.എം ബാബു, പരപ്പ ബ്ലോക്ക് പഞ്ചായത്ത് അംഗം ശ്രീലത പി.വി, കോടോം ബേളൂർ ഗ്രാമ പഞ്ചായത്ത് അംഗം കുഞ്ഞികൃഷ്ണൻ പി, ഹെഡ് മിസ്ട്രസ്സ് ശാന്തകുമരി സി, പിറ്റിഎ വൈസ് പ്രസിഡൻ്റ് രമേശൻ പി, എസ് എം സി ചെയർമാർ ബാബു ടി, എന്നിവർ പ്രസംഗിച്ചു.

സ്വാഗതം പൂർവ്വ വിദ്യാർത്ഥി ഫാദർ ജോബിൻ പ്ലാച്ചേരി പുറത്ത്  നിർവഹിച്ചു. നന്ദി പൂർവ്വ വിദ്യാർത്ഥികളുടെ പ്രതിനിധിയായി ഉദയൻ കോടോത്തും അറിയിച്ചു.