ഓടുന്ന ബൈക്കിന്റെ ഹാൻഡിലിൽ പാമ്പ്... യുവാവിൻ്റെ മനോധൈര്യം അപകടം ഒഴിവാക്കി

പാണത്തൂർ : യാത്രാ മദ്ധ്യേ ബൈക്കിൻ്റെ ഹാൻ്റിലിൽ പാമ്പ്. ആദ്യം ഒന്ന് ഭയന്നെങ്കിലും മനോധൈര്യം കൈവിടാതെ യുവാവ് വാഹനം നിയന്ത്രിച്ച് നിറുത്തിയതിനാൽ അപകടം ഒഴിവായി. പാണത്തൂർ സ്വദേശിയായ ഷിജു തോമസാണ് ഇന്ന് വൈകുന്നേരം ബന്തടുക്കയിൽ നിന്ന് പാണത്തൂരിലേക്ക് ബൈക്കിൽ യാത്ര ചെയ്യവേ 7 മണിയോടുകൂടി മാവുങ്കാലിൽ വച്ച് ബൈക്കിൻ്റെ ഹാൻ്റിലിൽ ചുറ്റിയ നിലയിൽ പാമ്പിനെ കണ്ടത്. പാമ്പിനെ കണ്ട് ആദ്യമൊന്ന് ഭയന്നെങ്കിലും പവിത്രം കയം പാലത്തിനടുത്ത് ബൈക്ക് നിറുത്തി ഇദ്ദേഹത്തിന് അപകടം കൂടാതെ വാഹനത്തിൽ നിന്ന് ഇറങ്ങുവാൻ സാധിച്ചു. അൽപം കഴിഞ്ഞപ്പോൾ പാമ്പ് ഇറങ്ങിപ്പോയതായി ഷിജു പറഞ്ഞു. പരിചിതമായ പാമ്പ് അല്ലാത്തതിനാൽ ഏത് ഇനത്തിൽ പെട്ട പാമ്പാണെന്ന് തിരിച്ചറിയുവാൻ സാധിച്ചില്ല എന്നും ഇദ്ദേഹം പറഞ്ഞു.