രൂക്ഷമായ വന്യമൃഗ ശല്യത്തിന് പരിഹാരം കാണണമെന്ന് ആവശ്യപെട്ടുകൊണ്ട് പാണത്തൂർ ബീറ്റ് ഫോറെസ്റ്റ് ഓഫീസ് മാർച്ച്‌ നടത്തി

പാണത്തൂർ: കല്ലപ്പള്ളി മേഖലയിലെ കർഷകർ വളരെക്കാലമായി നേരിടുന്ന വന്യമൃഗങ്ങളിൽ നിന്ന് പരിഹാരം ആവശ്യപ്പെട്ട് പാണത്തൂർ ബീറ്റ് ഫോറെസ്റ്റ് ഓഫീസ് മാർച്ച്‌ നടത്തി. കർഷക സംഘം ജില്ലാ സെക്രട്ടറി പി ജനാർദ്ദനൻ ഉദ്ഘാടനം ചെയ്തു. ഏതാനും മാസങ്ങളായി വളർത്തുമൃഗങ്ങൾക്ക് നേരെയുള്ള പുലി ആക്രമണം തുടരുകയാണ്, പലതവണ വനം വകുപ്പിന്റെ ശ്രദ്ധയിൽപ്പെടുത്തിയിട്ടും ഇതുവരെ ഒരു നടപടിയും സ്വീകരിച്ചിട്ടില്ല. അതിനാൽ, ഇന്ന് പാണത്തൂർ കർഷക അസോസിയേഷന്റെ നേതൃത്വത്തിൽ, പുലിയെ പിടികൂടി വന്യജീവി സങ്കേതത്തിലേക്ക് കൊണ്ടുപോകണമെന്ന് ആവശ്യപ്പെട്ടാണ് പാണത്തൂർ ബീറ്റ് ഫോറസ്റ്റ് ഓഫീസിലേക്ക് മാർച്ച് നടത്തിയത്. തുടർന്ന് ഫോറസ്റ്റ് ഓഫീസിന് മുന്നിൽ പ്രതിഷേധ പ്രകടനം നടത്തി. പ്രതിഷേധം കർഷക സംഘടനയുടെ കാസർകോട് ജില്ലാ സെക്രട്ടറി ജനാർദ്ദനൻ ഉദ്ഘാടനം ചെയ്തു. പാണത്തൂർ കർഷക സംഘടനയുടെ പ്രസിഡന്റ് അരുൺ രംഗത്തുമല പരിപാടിയിൽ അധ്യക്ഷത വഹിച്ചു. കർഷക സംഘത്തിന്റെ പനത്തടി ഏരിയ സെക്രട്ടറി, പനത്തടി ഗ്രാമപ്പഞ്ചായത്ത് വൈസ് പ്രസിഡന്റ് കുര്യാക്കോസ്, കർഷക സംഘത്തിന്റെ ഏരിയ കമ്മിറ്റി അംഗം വേണുഗോപാൽ, പാണത്തൂർ സിപിഎം ലോക്കൽ സെക്രട്ടറി  ബിനുവർഗീസ് എന്നിവർ പ്രതിഷേധത്തെ പിന്തുണച്ച് സംസാരിച്ചു. ഈ ആവശ്യങ്ങൾ നിറവേറ്റുന്നതിനായി വകുപ്പിന് നിവേദനം നൽകി.