അസുഖത്തെ തുടർന്ന് ചികിത്സയിലായിരുന്ന നെല്ലിയടുക്കം സ്വദേശിയായ വിദ്യാർത്ഥി മരണപ്പെട്ടു

കരിന്തളം : അസുഖ ബാധിതനായി ചികിത്സയിലായിരുന്ന അക്കൗണ്ടിംഗ് വിദ്യാർത്ഥിയും ഡിവൈഎഫ്ഐ മുൻ യൂണിറ്റ് പ്രസിഡണ്ടുമായിരുന്ന ഇരുപത്കാരൻ മരിച്ചു. നെല്ലിയടുക്കം കക്കോടിലെ കണ്ടത്തിൽ മനോജ് കുമാർ - എം ദേവകി ദമ്പതികളുടെ മകൻ എം അഭിജിത്ത് ആണ് ചികിത്സയ്ക്കിടെ കാഞ്ഞങ്ങാട് സ്വകാര്യ ആശുപത്രിയിൽ വെച്ച് മരണപ്പെട്ടത്.

അസുഖം പിടിപെട്ട് ഒരു വർഷത്തോളമായി വിവിധ ആശുപത്രികളിലായി ചികിത്സയിലായിരുന്നു അഭിജിത്ത്. നാട്ടുകാരുടെ നേതൃത്വത്തിൽ ജനകീയ ചികിത്സാ സഹായ കമ്മിറ്റി രൂപീകരിച്ച പ്രവർത്തിക്കുന്നതിനിടയിലാണ് യുവാവിന്റെ വേർപാട്. അഭിജിത്തിന്റെ മരണം കക്കോട് ഗ്രാമത്തെ കണ്ണീരിലാഴ്ത്തി. സഹോദരി മനീഷ (ചെന്തളം).