പനത്തടി ബാങ്കും തേജസ്വിനി ആശുപത്രിയും ജേതാക്കൾ

കാസർകോട് : കേരള കോ ഓപ്പറേറ്റീവ് എംപ്ലോയീസ് യൂണിയൻ അമ്പതാം വാർഷികത്തിന്റെ ഭാഗമായി കെസിഇയു കാസർകോട് പബ്ലിക് സർവന്റ്സ് യൂണിറ്റ് സംഘടിപ്പിച്ച ജില്ലാതല പുരുഷ- വനിതാ വടംവലി മത്സരത്തിൽ കെസിഇയു പനത്തടി സഹകരണ ബാങ്ക് യൂണിറ്റ് പുരുഷ വിഭാഗത്തിലും നീലേശ്വരം തേജസ്വിനി ആശുപ്രതി യൂണിറ്റ് വനിതാ വിഭാഗത്തിലും ജേതാക്കളായി. പുരുഷ വിഭാഗത്തിൽ കെസിഇയു മടിക്കൈ ബാങ്ക് യൂണിറ്റ്, വനിതാ വിഭാഗത്തിൽ കെസിഇയു കുമ്പള സഹകരണ ആശുപത്രി യൂണിറ്റ് എന്നിവ റണ്ണേഴ്സായി. വിദ്യാനഗർ ജില്ലാപഞ്ചായത്ത് ഓഫീസിന് സമീപം നടന്ന മത്സരം യൂണിയൻ ജില്ലാ സെക്രട്ടറി കെ വി വിശ്വനാഥൻ ഉദ്ഘാടനം ചെയ്തു. ടി വി സിനി അധ്യക്ഷയായി. ബി മോഹനൻ, വി ബിന്ദു എന്നിവർ സംസാരിച്ചു. സമാപന യോഗത്തിൽ കാസർകോട് ബാർ അസോസിയേഷൻ പ്രസിഡന്റ് എ ജി നായർ വിജയികൾക്ക് ട്രോഫികൾ നൽകി. രാഘവൻ ബെള്ളിപ്പാടി അധ്യക്ഷനായി. ഏരിയാ സെകട്ടറി ബി രാധാകൃഷ്ണൻ, ജില്ലാ കമ്മിറ്റിയംഗം ജയശ്രീ എന്നിവർ സംസാരിച്ചു. ടി മഹേഷ് സ്വാഗതവും വി വിനോദ് നന്ദിയും പറഞ്ഞു.