വിവാഹ വാഗ്ദാനം നൽകി 21കാരിയെ പീഡിപ്പിച്ചു; ചായ്യോം സ്വദേശി ബേക്കലിൽ പിടിയിൽ

നീലേശ്വരം : ഇൻസ്റ്റഗ്രാമിലൂടെ പരിചയപ്പെടുകയും പിന്നീട് പ്രണയ ബന്ധം സ്ഥാപിച്ച് വിവാഹവാഗ്ദാനം നൽകിയ ശേഷം 21കാരിയെ പീഡിപ്പിച്ച യുവാവിനെതിരെ ബേക്കൽ പൊലീസ് ബലാത്സംഗത്തിന് കേസെടുത്തു. നീലേശ്വരം, ചായ്യോത്ത് സ്വദേശിയായ സിനീഷി(27)നെതിരെയാണ് കേസെടുത്തത്. ഇയാൾ പൊലീസിന്റെ കസ്റ്റഡിയിലായതായാണ് വിവരം. പനയാൽ ഗ്രാമത്തിൽ താമസക്കാരിയാണ് പരാതിക്കാരി. പരിചയത്തിലായതിനു ശേഷം സിനീഷ് യുവതിയുടെ വീട്ടിൽ എത്തിയും സ്വന്തം വീട്ടിലേക്ക് കൂട്ടിക്കൊണ്ടു പോയും പീഡിപ്പിച്ചതായി പരാതിയിൽ പറഞ്ഞു.