കാസർകോട് ദേശീയ പാതയിൽ കാറും ടിപ്പർലോറിയും കൂട്ടിയിടിച്ച് പോലീസ് ഉദ്യോഗസ്ഥൻ മരിച്ചു

കാസർഗോഡ് : ദേശീയ പാതയിൽ കാറും ടിപ്പർ ലോറിയും കൂട്ടിയിടിച്ച് സീനിയർ സിവിൽ പൊലീസ് ഓഫീസർ മരിച്ചു. ഇന്ന് പുലർച്ചെയാണ് അപകടം. ഒപ്പമുണ്ടായിരുന്ന ഒരു സീനിയർ സിവിൽ പൊലീസ് ഓഫീസർക്ക് പരിക്ക് പറ്റി. ബേക്കൽ ഡി.വൈ.എസ്.പിയുടെ ഡാൻസാഫ് സ്ക്വാഡിലെ സീനിയർ സിവിൽ ഓഫീസർ സജീഷ്  ആണ് മരിച്ചത്.

നീലേശ്വരം പൊലീസ് ക്വാർട്ടേഴിൽ താമസിക്കുന്ന സജീഷ് ചെറുവത്തൂർ മയിച്ച സ്വദേശിയാണ്. വിദ്യാനഗർ നാലാം മൈലിൽ പുലർച്ചെയാണ്  അപകടം. സജീഷിന്റെ ആൾട്ടോ കാറും എതിരെ വന്ന ടിപ്പർ ലോറിയും കൂട്ടിയിടിക്കുകയായിരുന്നു.

ചെങ്കള ഇ.കെ. നായനായർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കാസർകോട് ജനറൽ ആശുപത്രിയിലേക്ക് മാറ്റി. പരിക്ക് പറ്റിയ സീനിയർ സിവിൽ ഓഫീസർ സുഭാഷ് ചന്ദ്രനെ നായനാർ ആശുപത്രിയിൽ പ്രവേശിപ്പിച്ചു.

 .