ഇരിയണ്ണി, മഞ്ചക്കല്ലിൽ നിയന്ത്രണം വിട്ട് ബൈക്ക് മറിഞ്ഞ് യുവ എഞ്ചിനീയർ മരിച്ചു

കാസർകോട് : ഇരിയണ്ണി, മഞ്ചക്കല്ലിൽ നിയന്ത്രണം വിട്ട് ബൈക്ക് മറിഞ്ഞ് യുവ എഞ്ചിനീയർ മരിച്ചു. ബേത്തൂർപാറ, വട്ടംതട്ട തീർത്തക്കര, സ്വദേശി വിജയന്റെ മകൻ ജിതേഷ് (22) ആണ് മരിച്ചത്.

തിങ്കളാഴ്ച ഉച്ചയ്ക്ക് 2.30 മണിയോടെയാണ് അപകടം. കാനത്തൂർ ഭാഗത്തു നിന്നു ഇരിയണ്ണിയിലേയ്ക്ക് വരികയായിരുന്നു ബൈക്ക്. ബംഗ്ളൂരുവിൽ എയർനോട്ടിക് എഞ്ചിനീയർ ആണ് ജിതേഷ്. ഓണാഘോഷത്തിനാണ് നാട്ടിൽ എത്തിയത്. വിവരമറിഞ്ഞ് ആദൂർ പൊലീസ് സ്ഥലത്തെത്തി. മൃതദേഹം ജനറൽ ആശുപത്രി മോർച്ചറിയിലേയ്ക്ക് മാറ്റി. മാതാവ്: ശാലിനി. സഹോദരൻ: ജിഷ്ണു.