മലയോര ജനതയ്ക്ക് പ്രത്യേക കരുതൽ : കേരള വനം-വന്യജീവി വകുപ്പിന്റെ പരാതി പരിഹാര അദാലത്ത് 16 മുതൽ 30 വരെ

വെള്ളരിക്കുണ്ട്  : മനുഷ്യ - വന്യജീവി സംഘർഷ ലഘൂകരണ തീവ്രയജ്ഞ പരിപാടിയുടെ ഭാഗമായി കേരള വനം-വന്യജീവി വകുപ്പിന്റെ നേതൃത്വത്തിൽ പൊതുജനങ്ങളിൽ നിന്ന് പരാതികളും നിർദ്ദേശങ്ങളും സ്വീകരിക്കുന്നു.  സെപ്റ്റംബർ 16 മുതൽ 30 വരെ ഒന്നാം ഘട്ടത്തിൽ കാഞ്ഞങ്ങാട് റേഞ്ചിന് കീഴിൽ വരുന്ന പനത്തടി, ബളാൽ , ഈസ്റ്റ് ഏളേരി ഗ്രാമ പഞ്ചായത്ത് ഓഫീസുകളിൽ ഇതിനായി ഹെൽപ്പ് ഡസ്ക്കുകൾ ആരംഭിക്കുമെന്ന് കാഞ്ഞങ്ങാട് റേഞ്ച് ഫോറസ്റ്റ് ഓഫീസർ കെ രാഹുൽ അറിയിച്ചു.