സംസ്ഥാന സ്കൂൾ കായികമേള ; ജൂനിയർ ഡിസ്‌കസ് ത്രോയിൽ പുതിയ റെക്കോഡുകൾ സൃഷ്‌ടിച്ചു ചെറുവത്തൂർ സ്വദേശിനിയായ സോനാ മോഹൻ
സംസ്ഥാന സ്കൂൾ കായികമേളയിൽ ഇന്ന് പുതിയ റെക്കോഡുകൾ പിറക്കുകയാണ്. ജൂനിയർ ഡിസ്‌കസ് ത്രോയിൽ തൃശൂർ സ്വദേശി അതുല്യ ഏഴ് വർഷം മുൻപ് കുറിച്ച 37.73 എന്ന റെക്കോഡ് തിരുത്തി പുതിയ റെക്കോഡ് സൃഷ്ടിച്ചിരിക്കുകയാണ് കാസർഗോഡ് ചെറുവത്തൂർ സ്വദേശിനിയായ സോനാ മോഹൻ.
38.64 എന്ന റെക്കോഡാണ് സോന കുറിച്ചിരിക്കുന്നത്. കോച്ച് ഗിരീഷ് കെ സിയുടെ ശിക്ഷണത്തിലാണ് സോന മികച്ച പ്രകടനം പുറത്തെടുത്തത്. ഓട്ടോ തൊഴിലാളിയായ പി പി മോഹനൻ, റ്റി സൗമ്യ ദമ്പതികളുടെ മൂത്ത മകളായ സോന കാസർഗോഡ് കുട്ടമത്ത് ജി എച്ച് എസ് എസിലെ പ്ലസ് വൺ വിദ്യാർത്ഥിനിയാണ്. കഴിഞ്ഞ സ്കൂൾ കായിക മേളയിലും സോനാ ജൂനിയർ ഡിസ്‌കസ് ത്രോയിൽ രണ്ടാം സ്ഥാനം നേടിയിരുന്നു.
No comments