കവ്വായി കായലിൽ മീൻപിടുത്തത്തിനിടെ തോണി മറിഞ്ഞു കാണാതായ മൽസ്യത്തൊഴിലാളിയുടെ മൃതദേഹം കണ്ടെത്തി

കാസർകോട്: കവ്വായി കായലിൽ മീൻപിടുത്തത്തിനിടെ തോണി മറിഞ്ഞു കാണാതായ മൽസ്യത്തൊഴിലാളിയുടെ മൃതദേഹം കണ്ടെത്തി. വലിയപറമ്പയിലെ എൻ.പി താമ്പാ(61)ന്റെ മൃതദേഹമാണ് തിങ്കളാഴ്ച രാവിലെ ബോട്ട് ജട്ടിക്ക് സമീപം കണ്ടെത്തിയത്. ഞായറാഴ്ച ഉച്ചയോടെയാണ് തോണി മറിഞ്ഞത്. വലിയപറമ്പ് പാലത്തിനു താഴെ കവ്വായികായലിൽ തോണിയിലിരുന്ന് മീൻ പിടിക്കുന്നതിനിടയിലാണ് അപകടം. മുങ്ങിത്താണ തമ്പാനെ രക്ഷിക്കാൻ ഫയർഫോഴ്സും പൊലീസും നാട്ടുകാരും രാത്രി വരെ തെരച്ചിൽ നടത്തിയിരുന്നു. തിങ്കളാഴ്ച രാവിലെ 11.15 ഓടെ ഫയർഫോഴ്സ് മൃതദേഹം കണ്ടെത്തി. മൃതദേഹം പരിയാരം കണ്ണൂർ ഗവ.മെഡിക്കൽ കോളേജിലെ മോർച്ചറിയിലേക്ക് മാറ്റി. പോസ്റ്റുമോർട്ടത്തിന് ശേഷം മൃതദേഹം ഉച്ച കഴിഞ്ഞ് വീട്ടിലെത്തിക്കും. ഒരുമാസം മുമ്പ് വീടിന് സമീപം ഫിഷറീസിന്റെ ഫിഷ് സ്റ്റാൾ ആരംഭിച്ചിരുന്നു. എം ശ്യാമളയാണ് ഭാര്യ. മക്കൾ: റാംജിത്, അഞ്ചു. മരുമകൻ: പ്രവീൺ. സഹോദരങ്ങൾ: എൻ പി ജാനകി, എൻ പി സാവിത്രി, എൻ പി ജനാർദ്ദനൻ, പരേതരായ എൻ പി ഗോപാലൻ, എൻ പി ചന്ദ്രശേഖരൻ.