കുടുംബശ്രീയുടെ 'ബാക്ക് ടു ഫാമിലി' പദ്ധതിക്ക് കോടോംബേളൂരിലും തുടക്കമായി

തായന്നൂർ: കാസർഗോഡ് ജില്ലാ പഞ്ചായത്തും കുടുംബശ്രീ ജില്ലാ മിഷനും സംയുക്തമായി നടപ്പിലക്കുന്ന പദ്ധതി ബാക് ടു ഫാമിലി കോടോം ബേളൂരിൽ തുടക്കമായി. സ്ത്രീ ശാക്തീകരണം സുരക്ഷിത ബാല്യം മികവാർന്ന രക്ഷകർതൃത്വം എന്നി ലക്ഷ്യങ്ങളിലൂന്നിയാണ്  പരിപാടി ആവിഷ്ക്കരിച്ചുള്ളത്. ജനപ്രതിനിധികൾ, ആരോഗ്യ സന്നദ്ധപ്രവർത്തകർ കുടുംബശ്രീ പ്രവർത്തകർ എന്നീ വരടങ്ങുന്ന സംഘത്തിൻ്റെ നേതൃത്വത്തിൽ ജില്ലയിലെ മുഴുവൻ കുടുംബങ്ങളിലേക്കും എത്തുന്ന സ്ത്രീ ആരോഗ്യ സാക്ഷരത നേട്ടം കൈവരിക്കാനും നല്ലൊരു സമൂഹത്തെ വാർത്തെടുക്കാനുമാണ് ഈ പരിപാടി ലക്ഷ്യമിടുന്നത്.

കോടോം ബേളൂർ ഗ്രാമ പഞ്ചായത്ത് കുടുംബശ്രീ സി ഡി എസിൻ്റെ നേതൃത്വത്തിൽ  ജി എച്ച് എസ് എസ്  തായന്നൂരിൽ നടന്ന പരിപാടി പഞ്ചായത്ത് വൈസ് പ്രസിഡണ്ട് പി. ദാമോദരൻ ഉത്ഘാടനം ചെയ്തു.സി ഡി എസ് ചെയർപേഴ്സൺ സി. ബിന്ദു അദ്ധ്യക്ഷത വഹിച്ചു. പരിപാടിയിൽ പരപ്പ ബ്ലോക്ക് പഞ്ചായത്ത് വികസന കാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ രജനി കൃഷ്ണൻ, പഞ്ചായത്ത് സ്ഥിരം സമിതി അംഗങ്ങളായ ശൈലജ.കെ. ജയശ്രി എൻ എസ്

പഞ്ചായത്ത് മെമ്പർ ഇ. ബാലകൃഷ്ണൻ  പദ്ധതി കോഡിനേറ്റർ മുരളി മാസ്റ്റർ, എഡി എം സി ഡി. ഹരിദാസ്

 എന്നിവർ ആശംസകൾ നേർന്ന് സംസാരിച്ചു.സബ് കമ്മിറ്റി കൺവീനർമാരായ രാജി കെ , സന്ധ്യ പി സി ,സാവിത്രി പി വിജയലളിത ബ്ലോക്ക് കോ ഓഡിനേറ്റർ ഷൈജ കെ  റിസോഴ്സ് പേഴ്സൺ എന്നിവർ നേതൃത്വം നല്കി.