വോയ്സ് ഓഫ് ചിറ്റാരിക്കാൽ വാട്ട്സ്ആപ്പ് ഗ്രൂപ്പ്, സെൻറ് തോമസ് ഹയർ സെക്കൻഡറി സ്‌കൂൾ എൻ.എസ്.എസ് യൂണിറ്റ്, ബ്ലഡ് ഡോണേഴ്സ് കേരള കാസർഗോഡ്, വൈ.എം.സി.എ ചിറ്റാരിക്കാൽ എന്നിവയുടെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു

ചിറ്റാരിക്കാൽ: വോയ്സ് ഓഫ് ചിറ്റാരിക്കാൽ വാട്ട്സ്ആപ്പ് ഗ്രൂപ്പ്, സെൻറ് തോമസ് ഹയർ സെക്കൻഡറി സ്‌കൂൾ എൻ.എസ്.എസ് യൂണിറ്റ്, ബ്ലഡ് ഡോണേഴ്സ് കേരള കാസർഗോഡ്, വൈ.എം.സി.എ ചിറ്റാരിക്കാൽ എന്നിവയുടെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു.

കാഞ്ഞങ്ങാട് ജില്ലാ ആശുപത്രി രക്തബാങ്ക് സംഘമാണ് രക്തശേഖരണത്തിന് നേതൃത്വം നൽകിയത്. “രക്തം നൽകുക – ജീവൻ രക്ഷിക്കുക” എന്ന സന്ദേശവുമായി നിരവധി യുവാക്കളും അധ്യാപകരും നാട്ടുകാരും, പ്രത്യേകിച്ച് ചിറ്റാരിക്കാലിലെ ടാക്സി തൊഴിലാളികൾ, ചുമട്ടുതൊഴിലാളികൾ, അമ്മമാർ തുടങ്ങിയവർ സന്നദ്ധമായി രക്തം ദാനം ചെയ്തു.

വോയ്സ് ഓഫ് ചിറ്റാരിക്കാൽ വാട്ട്സ്ആപ്പ് ഗ്രൂപ്പ് അഡ്മിൻ ഷിജിത്ത് കുഴുവേലിൽ ആമുഖപ്രഭാഷണം നടത്തി. തോമാപുരം ഹയർ സെക്കൻഡറി സ്‌കൂൾ പ്രിൻസിപ്പൽ ബിനു തോമസ് അദ്ധ്യക്ഷത വഹിച്ചു. തോമാപുരം ഫൊറോന വികാരി ഫാ. ഡോ. മാണി മേൽവെട്ടം ഉദ്ഘാടനം നിർവഹിച്ചു.

ഉദ്ഘാടന പ്രസംഗത്തിൽ ഫാ. ഡോ. മാണി മേൽവെട്ടം പറഞ്ഞു:

“ഒരു തുള്ളി രക്തം മറ്റൊരാളുടെ ജീവൻ രക്ഷിക്കാൻ കഴിയുന്ന ദൈവിക പ്രവർത്തിയാണ്. ഈ ക്യാമ്പ് പോലുള്ള സംരംഭങ്ങൾ സമൂഹത്തിൽ കരുണയും മനുഷ്യസ്നേഹവും വളർത്തുന്ന ഉണർവായിരിക്കും.”

ഫാ. ജുബിൻ കണിയാപ്പറമ്പിൽ (തോമാപുരം പള്ളി അസിസ്റ്റന്റ് വികാരി), ഡീക്കൻ അമൽ പൂക്കുളത്തേൽ, എൻ.എസ്.എസ്. പ്രോഗ്രാം ഓഫീസർ അനുമോൾ ഫ്രാൻസിസ്, വൈ.എം.സി.എ. പ്രസിഡന്റ് ബിനോ മാടപ്പാട്ട്, റോഷൻ എഴുത്തുപുരയ്ക്കൽ, ബി.ഡി.കെ. ഭാരവാഹികൾ ഷോണി കൊന്നക്കാട്, ബഷീർ അരിക്കോട്, അധ്യാപകരായ അലക്സ് ജോം, സിജോ അറയ്ക്കൽ, എബിൻ എൻ. എക്സ്, കാഞ്ഞങ്ങാട് ബ്ലഡ് ബാങ്ക് മെഡിക്കൽ ഓഫീസർ ഡോ. അംഗിത, കൗൺസിലർ അരുൺ , ഡീക്കൻ ജോബിൻ മണവാളൻ എന്നിവർ സംസാരിച്ചു.

രക്തദാനത്തിന്റെ പ്രാധാന്യം സമൂഹത്തിൽ വ്യാപിപ്പിക്കുക എന്ന ലക്ഷ്യത്തോടെ സംഘടിപ്പിച്ച ഈ ക്യാമ്പ് ഒക്ടോബർ 6-ന് രാവിലെ 9.30 മുതൽ ഉച്ചയ്ക്ക് 12.30 വരെ തോമാപുരം സെൻറ് തോമസ് എച്ച്.എസ്.എസ്. ഹാളിൽ നടന്നു.

കാസർഗോഡ് ജില്ലാ ആശുപത്രി ബ്ലഡ് ബാങ്ക് സാങ്കേതിക പിന്തുണയും സഹകരണവും നൽകി.

 “രക്തം നൽകുക – ജീവൻ രക്ഷിക്കുക” എന്ന സന്ദേശം സമൂഹത്തിൽ വ്യാപിപ്പിച്ച ചിറ്റാരിക്കാൽ രക്തദാന ക്യാമ്പ്, സാമൂഹിക ഐക്യത്തിന്റെയും മനുഷ്യത്വത്തിന്റെയും മാതൃകയായി മാറി.