കോളിച്ചാൽ പുഴയിൽ സാമൂഹ്യ വിരുദ്ധർ പുഴയിൽ പ്ലാസ്റ്റിക് മാലിന്യവും, മൽസ്യ അവശിഷ്ടങ്ങളും നിക്ഷേപിച്ചതായി പരാതി ; നാട്ടുകാരും അധികൃതരും ചേർന്ന് മാലിന്യം നീക്കം ചെയ്തു

കോളിച്ചാൽ : പനത്തടി - കള്ളാർ പഞ്ചായത്ത് അതിർത്തിയായ കോളിച്ചാൽ പുഴയിൽ രാത്രിയുടെ മറവിൽ സാമൂഹ്യ വിരുദ്ധർ ചാക്ക് കണക്കിന് പ്ലാസ്റ്റിക് മാലിന്യങ്ങളും, ഉപയോഗശൂന്യമായ അയല മത്സ്യവും  നിക്ഷേപിച്ചതായി പരാതി. ഇന്ന് രാവിലെയാണ് നാട്ടുകാർ പ്ലാസ്റ്റിക് മാലിന്യവും, അയലയും പുഴയിൽ നിക്ഷേപിച്ചതായി കണ്ടത്. വിവരമറിഞ്ഞെത്തിയ പഞ്ചായത്ത്, ആരോഗ്യ വകുപ്പ് അധികൃതരും  നാട്ടുകാരും ചേർന്ന് പുഴയിൽ നിന്ന് പ്ലാസ്റ്റിക് മാലിന്യങ്ങളും, മത്സ്യവും നീക്കം ചെയ്തു. ഇത്തരം ഹീനപ്രവൃത്തി ചെയ്ത സാമൂഹ്യ വിരുദ്ധരെ കണ്ടെത്തി ശക്തമായ നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു.