ചുള്ളി നിവാസികൾക്ക് ഇനി ബസായി മാലോത്തെ ചുള്ളിയിലേക്ക് തിങ്കൾ മുതൽ ബസ് ഓടി തുടങ്ങും

മാലോം: വർഷങ്ങളായി ജീപ്പിനെയും ഓട്ടോറിക്ഷയെയും ആശ്രയിച്ച ചുള്ളി നിവാസികൾക്ക് ഇനി ബസ്സിലും യാത്ര ചെയ്യാം. ഓട്ടോയും ജീപ്പും മാത്രമുണ്ടായിരുന്ന മാലോത്തെ ചുള്ളിയിലേക്ക് തിങ്കൾ മുതൽ ബസ് ഓടി തുടങ്ങും. രാവിലെ 7.37ന് മടിക്കൈ വഴി കാഞ്ഞങ്ങാടേക്കാണ് റൂട്ട്. വെള്ളരിക്കുണ്ട് (8.09) പരപ്പ (8.29) അടുക്കം (8. 47) എണ്ണപ്പാറ (9.00) കാഞ്ഞിരപ്പൊയിൽ (9.12) ജില്ലാ ആശുപത്രി (9.37) വഴി കടന്നു പോകുന്ന ബസ് സർക്കാർ ഓഫീസുകൾ ആരംഭിക്കുന്നതിന് മുമ്പ് കാഞ്ഞങ്ങാട് എത്തും. തിരികെ ഇതേ വഴിയിൽ (9.59) കൊന്നക്കാടേ ക്കാണ് മടക്കം. ജില്ലാ ആശുപത്രിയിൽ നിന്ന് മലയോരത്തെക്ക് മടങ്ങേണ്ടവർക്കും എണ്ണപ്പാറ ഭാഗത്ത് നിന്ന് പരപ്പ ബ്ലോക്ക് പഞ്ചായത്തിലേക്കും വെള്ളരിക്കുണ്ട് താലൂക്ക് സ്ഥാനത്തേക്കും പോകാനും സൗകര്യമാകും. തുടർന്ന് 12:40ന് കാഞ്ഞങ്ങാടേക്ക് മടങ്ങുന്ന ബസ് 2.55  കാഞ്ഞങ്ങാട് എത്തും.