കള്ളൻമാർക്ക് കഞ്ഞിവയ്ക്കുന്നവരാണ് കേരളം ഭരിക്കുന്നതെന്ന് കെപിസിസി പ്രസിഡന്റ് സണ്ണി ജോസഫ് എം എൽഎ ജില്ലാ പഞ്ചായത്ത് ചിറ്റാരിക്കാൽ ഡിവിഷൻ യു ഡിഎഫ് കൺവൻഷൻ ഉത്ഘാടനം ചെയ്‌തു

ചിറ്റാരിക്കാൽ : കള്ളൻമാർക്ക് കഞ്ഞിവയ്ക്കുന്നവരാണ് കേരളം ഭരിക്കുന്നതെന്ന് കെപിസിസി പ്രസിഡന്റ് സണ്ണി ജോസഫ് എം എൽഎ പറഞ്ഞു. ജില്ലാ പഞ്ചായത്ത് ചിറ്റാരിക്കാൽ ഡിവിഷൻ യു ഡിഎഫ് കൺവൻഷൻ ചിറ്റാരിക്കാലിൽ ഉദ്ഘാടനം ചെയ്യുകയായിരുന്നു അദ്ദേഹം. ബാങ്കിൽനിന്നും മറ്റു ശാഖകളിലേക്ക് പണം കൊണ്ടുപോകുമ്പോൾ

പൊലീസ് കാവലുണ്ടാകും. എന്നാൽ ശബരിമലയിലെ പോലും സ്വർണ പാളികൾ മാറ്റുമ്പോൾ ഒരു പ്യൂണിന്റെ പോലും കാവലുണ്ടായിരുന്നില്ല. മലയോര വികസനം സാധ്യമാക്കിയത് യുഡിഎഫ് സർക്കാരുകളാണ്. മലയോര താലൂക്കുകളും ഹൈവേയുമെല്ലാം അനുവദിച്ചത് ഉമ്മൻചാണ്ടി ക്കാരാണ്. മലയോരത്തിന്റെ വി കസനത്തിന് ഊർജം പകരാൻ തദ്ദേശ തിരഞ്ഞെടുപ്പിൽ മികച്ച വിജയം കൈവരിക്കണമെന്നും  അദ്ദേഹം പറഞ്ഞു.

മലയോരത്തെ കർഷകർക്ക് വേണ്ടി ജില്ലാപഞ്ചായത്തിൽ ശബ്ദം ഉയർത്താൻ ചിറ്റാരിക്കാൽ ഡിവിഷൻ സ്ഥാനാർഥി ബിൻസി ജെയിന് സാധിക്കുമെന്നും അദ്ദേഹം കൂട്ടിച്ചേർത്തു 

ഡിസിസി പ്രസിഡന്റ് പി.കെ.ഫൈസൽ അധ്യക്ഷനായി. യു ഡിഎഫ് സ്ഥാനാർഥികളെ ചടങ്ങിൽവച്ചു കെപിസിസി പ്രസിഡന്റ് ഹാരാർപണം ചെയ്തു. രാജു കട്ടക്കയം, ജോസഫ് മുത്തോലി, ബിൻസി ജെയിൻ, മാമുനി വിജയൻ, ടോമി പ്ലാച്ചേരി, ഷാജഹാൻ തട്ടാപറമ്പിൽ, എ.ഗോവിന്ദൻ നായർ, ജോമോൻ ജോസ്, ഫിലോമിന ജോണി, തോമസ് മാ ത്യു, എം.കെ.ഗോപാലകൃ ഷ്ണൻ, ജോർജ് കരിമഠം എന്നിവർ പ്രസംഗിച്ചു.