കെ വി കുഞ്ഞിക്കേളു പതിനൊന്നാം ചരമവാർഷിക അനുസ്മരണ സമ്മേളനം വരക്കാട് വെച്ചു നടന്നു..പി ആർ ചാക്കോ ഉദ്ഘാടനം ചെയ്തു

ഭീമനടി :  വരക്കാട് കാനാകുഞ്ഞികൃഷ്ണൻ സ്മാരക ഗ്രന്ഥാലയത്തിന്റെയും, പി എ സി വരക്കാടിന്റെയും സ്ഥാപകനേതാവും മലയോര മേഖലയിലെ കലാ സാംസ്കാരിക രംഗത്തെ നിറസാന്നിധ്യവുമായിരുന്ന വരക്കാട്ടെ കെ വി കുഞ്ഞിക്കേളുവിന്റെ പതിനൊന്നാം ചരമവാർഷികദിനം കാനാകുഞ്ഞികൃഷ്ണൻ സ്മാരക ഗ്രന്ഥാലയത്തിന്റെയും, പി എ സി യുടെയും ആഭിമുഖ്യത്തിൽ ആചരിച്ചു. വരക്കാട് നടന്ന അനുസ്മരണ സമ്മേളനം സിപിഐ എം ജില്ലാ കമ്മിറ്റി അംഗം പി ആർ ചാക്കോ ഉദ്ഘാടനം ചെയ്തു. പഞ്ചായത്ത് സ്ഥിരം സമിതി ചെയർമാൻ കയനി ജനാർദനൻ അധ്യക്ഷനായി.സിപിഐ എം ഏരിയ സെക്രട്ടറി എ അപ്പുക്കുട്ടൻ അനുസ്മരണ പ്രഭാഷണം നടത്തി. ലോക്കൽ സെക്രട്ടറി എം എൻ രാജൻ, ബിന്ദു മുരളീധരൻ, പി കെ പ്രഭാകരൻ, എം നാരായണൻ നായർ എന്നിവർ സംസാരിച്ചു. സി സി അനിൽ കുമാർ സ്വാഗതവും പി വി അനില നന്ദിയും പറഞ്ഞു