ബദിയടുക്കയിലെ വീട്ടമ്മയുടെ മരണം കൊലപാതകം, ശ്വാസം മുട്ടിച്ച് കൊലപ്പെടുത്തിയതെന്ന് പോസ്റ്റ്മോര്ട്ടം റിപ്പോര്ട്ട്
കാസർകോട് : ബദിയഡുക്ക പൊലീസ് സ്റ്റേഷൻ പരിധിയിലെ കുംബഡാജെ മൗവ്വാർ, ആജിലയിലെ വീട്ടിൽ ഒറ്റക്ക് താമസിച്ചിരുന്ന വയോധികയുടെ മരണം കൊലപാതകമാണെന്നു പോസ്റ്റുമോർട്ടം റിപ്പോർട്ട്. പരിയാരം മെഡിക്കൽ കോളേജ് ആശുപത്രിയിൽ വെള്ളിയാഴ്ച ഉച്ചയോടെയാണ് പോസ്റ്റുമോർട്ടം പൂർത്തിയായത്. കഴുത്തു ഞെരുക്കിയും ശ്വാസം മുട്ടിച്ചുമാണ് കൊലനടത്തിയത്.
വ്യാഴാഴ്ച രാവിലെയാണ് വീട്ടിൽ തനിച്ചു താമസിക്കുന്ന പുഷ്പലത വി ഷെട്ടി (72)യെ മരിച്ച നിലയിൽ കാണപ്പെട്ടത്. പൊലീസിന്റെ പ്രാഥമിക പരിശോധനയിൽ തന്നെ കൊലപാതകമാണെന്നു സംശയമുണ്ടായിരുന്നു. ബന്ധുക്കൾ സംശയം ഉന്നയിച്ചതോടെയാണ് പോസ്റ്റുമോർട്ടം പരിയാരത്തേക്ക് മാറ്റിയത്. കൊലയാളിക്കായി പൊലീസ് അന്വേഷണം ഊർജ്ജിതമാക്കി.
No comments